انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 2 من 2

الموضوع: الامتحانات قربت ولسة محدش فتح كتاب تعالو ورايا

  1. #1
    تاريخ التسجيل
    Dec 2014
    الردود
    1
    الجنس
    أنثى

    L5 الامتحانات قربت ولسة محدش فتح كتاب تعالو ورايا

    لأنى انا معاكى انه واضح ان الامتحانات فعلا قربت وواضح إن في اجماع علي كدة

    لذلك متقلقيش مش حنقفلها في وشك واقولك اعملى كذا وحرام عليكى وقتك
    بس اناا لاقيت حل
    اول حاجة عشان نكمل مع بعض وتلاقي حل لمشكلتك حطلب منك تتخلى عن مبادئك اللي هي:-
    اجعل هدفك في الحياة هو الراحة والاسترخاء
    حب سريرك فهو مملكتك الوحيدة.
    ارتاح بالنهار لتتمكن من النوم بسهولة في الليل.
    العمل شئ مقدس لذلك لاتقترب منه.
    لاتؤجل عمل اليوم لبكرة مادام تقدر تأجله لبعد بكرة .
    اعمل اقل مايمكنك عملك ويبقى خير وبركة لو لقيت حد يعمله بدال منك.
    إذا احسست بأنك لديك رغبة جامدة في العمل استرخي قليلا حتى تزول هذه الرغبة.
    ازنق تنجز.
    ذاكر يابني آدم مذاكرة الوحوش الامتحان يجيلك في الجزء اللي مفتحتهوش يبقى مش حذاكر اصلا.
    وأخيـرًا لاتنسى ان العمل مفيد للصحى لذلك اتركه دائمًا للمرضى.
    طبعًا سيادتك لو ناوية تكملى الترم بهذه المبادئ يبقى حترووووحى أبوزعبل وحتجيبى مجموع ميدخلكش معهد تجفيف الرنجة
    وبما إنك بدأت تتخلى عن مبادئك العظيمة دي يبقى لازم تتحلى بحاجة تانية وإلا حتلاقي يوم والتاني وبدأتى ترجعى زي ماكنتى
    طيب اكيد كتيييير مننا مشكلته
    ان المذاكرة كتيييييييييييييير ومفتحتش كتاب ومفيش وقت
    ولما بدأت اجمع اللي ناقصلي حسييت بإحباط وحاسة إني لو عملت إيه مش حلحق أخلص فبالتالي حذاكر على قد ماأقدر واللي ألحقه ألحقه يعني اعمل ايه اموّت نفسي؟؟؟
    لأ طبعا ميرضناش تموّتى نفسـك مامتك عيزاكى
    بص ياستى عايزكى تركزى معايا خاااالص
    حقولك حاجة عشان تقعدى على الكتاب وتجمعى كويس ومتنسيش
    1لازم 100% تبقى دماغك فااااضية من أي حاجة
    انسى ان ماما قربت تخلص الغدا اللي انتى بتحبيه
    و
    انسى صاحبتك اللي ضايقتك وانسى اي حاجة ممكن تضايقك
    وراكى حاجات كتيييييييييييييييير لسة مخلصتىهاش وتقعدى طول ماانت قاعدة بتفكر ياترى حلحق اخلص ولا لأ !!
    كل الحاجات دي بتكون عامل كببببير انك تفقدى تركيزك وتاخدى 3ساعات عشان تخلصى صفحة من 100 صفحة
    وبالتالي تتخنقى وتضايقى وتحبطى وتجيبى الغلط على المنهج وعلى نفسك وانتى في الاصل السبب.
    .!!
    سامعاكى بتقووولي كلام حلو بس انتى مش شايفة ان موضوع النسيان دا صعب!!

    فعلا ساعات بتحصل قبل الامتحانات حاجات بتجلب عليكى كل الهم وبتبقى صعب انك تنسيها لأنك مش شغالة بالريموت
    طيب اعمل ايه عشان مش انسى؟؟
    دا ممكن يكون ربنا كمان مش راضي عني والدنيا بايظة معايا خااالص والمذاكرة مش ببتظبط وانتوا عارفين في وقت الامتحانات محدش بيعرف حد او بمعنى اصح مفيش حد فاضي لحد يعني صاحبتك اللي اكيد شبهك مش حتسيب اللي وراها وتتصل تطبطب عليكى..
    اعمل ايه؟؟

    انا ساعااااات بحس ان الدنيا كلها على ضهري
    وبحس اني شايلة ذنوب تهد جباال وواقعة في مشاكل جااامدة
    وحاجات انا بجد عاجزة اني احلها عارفة وقتها
    برفع عيني اللي كلها دموع للسماء
    وأقول

    فوضت أمري إليك يارب
    أنا تعبت يارب ومش عارف أحل حاجة
    ومهما كانت ذنوبي يارب أنا بجد ماليش غيييرك ببكي من قلبي وبقول لاحول ولاقوة إلا بك يارب
    انقطع الرجاء إلا بك ياارب انا ضايع ان بغرق انقذني وقتها بجد بلاقي الفرج
    وبحس إن ربنا بيلهمني حلول وحاجات كتيييييير
    عارفة ليه؟؟
    لأني تجردت من قوتي وشطارتي وانكسرت لله وفوضت امري وانا كلي ثقة ان ربنا مش حيسيبني وحياخد بإيدي..
    طيب والمشاكل ؟؟
    بصى ياستي لو انتى مزعلة حد روحى اعتذريله ولو انتى زعلانة من حد
    سامحيه والتمسيله أعذار وقولى لعله خير
    لعله خير ازاي وهى اللي غلطانة اقولك ازاي
    ؟؟
    تعرفى انا مرة كنت مخلصة امتحان ورحت لواحدة صحبتي وكنت طالعة من الامتحان دا مضاايقة جدًا المهم رحت لصحبتي دى قلتلها ماتيجي نتمشى شوية قالتلي لأ انا عايزة ارتاح من الامتحان دا ومفكرتش فيه ...من الآخر زحلقتني ومشيت لوحدي
    بعدها زعلت جدًا ازاي دى لما بتحتاجني ولااشوفها زعلانة لايمكن اسيبها حتى لو فيا ايه بس بعدها قلت يمكن ربنا جعل دا يحصل عشان ربنا مش عايزني اظهر بشكل وحش قدام حد في لحظات ماانا مضايقة.. ربنا عايز شكلي يفضل جميل قدام الناس وربنا عايز يعلمني ملجأش لحد غيره
    .
    اي مشكلة ليها حل يبقى حلها بسرعة وخدى الأمور ببساطة وسيبيها على الله وربنا حيفرجها..

    كدا تمام فضييينا دماغنا
    شكرًا ياسوزي انا رايحة اذاكر بقااا >>>
    لالالالالالالا استنى
    قوليلي حتذاكرى ايه؟؟؟ وحتذاكرى في وقت اد ايه؟؟؟؟
    وحتذاكرى كام مادة؟؟؟
    ووقت الراحة بتاعك حيبقى كل اد ايه؟؟؟
    ايه يابنتي الاسئلة دي كلها انا رايحة اذاكر مش رايحة اطلع بطاقة
    بطّلى برطمة واسمعى الكلام ها جاوبيني على الاسئلة دي
    بصراحة عادي انا بمشي بالبركة

    يابنتي البركة دي مية تشربيها او تمشي بيها وانتى خارجة مع صحابك ومش لاقيين حتة تروحوها

    مش تمشي بيها وانتى بتحددى مصيرك
    ها بقي حد يجاوب يا حلوين





    1ذاكرى في اي وقت تحسى فيه انك بتقدرى تركزى فيه اووي
    2
    لما تيجي تذاكرى بعد مافضيتى دماغك وحددتى حتذاكرى ايه
    3





    لكن في مواد بتكون مقالية وكتيييييييرة اووووي وبمجرد ماتفتحى الكتاب بتحسى انك مش طايقة تبصيله لانه فعلا كتير و المواد اللي زي دي محتاجة تلخيييص ومفيش وقت للتلخيص
    4





    كافئ نفسك لو سمعتى الكلام وانجزتى في الوقت اللي انتى محدده
    5





    في يومك كله حددى اولوياتك
    آخر مرة عدل بواسطة بنت رقوش : 25-01-2015 في 04:42 PM

  2. #2
    تاريخ التسجيل
    Jan 2015
    الموقع
    فلسطين
    الردود
    10
    الجنس
    امرأة
    نصائح رائعة وظريفة لكن بداخلها الكثير من الفوائد جزاكِ الله خيراً
    وبالتوفيق للجميع بالامتحانات

مواضيع مشابهه

  1. الامتحانات قربت ومش عارفه اذاكر للولاد ازي؟(اعلان)
    بواسطة a7med89 في حافز الوظائف والدورات التدريبية والمشاريع التجارية
    الردود: 0
    اخر موضوع: 02-04-2012, 05:56 PM
  2. الامتحانات قربت
    بواسطة m2ro في همسات بنات
    الردود: 20
    اخر موضوع: 01-01-2011, 03:25 PM
  3. الامتحانات قربت.........
    بواسطة ثريا الفين في ركن الجامعات والدراسات العليا
    الردود: 1
    اخر موضوع: 16-01-2010, 06:35 PM
  4. ادعولي قربت الامتحانات
    بواسطة ساره بن محفوظ في ملتقى الإخــاء والترحيب
    الردود: 13
    اخر موضوع: 20-06-2009, 07:01 PM
  5. المدرسة قربت تعالو معي
    بواسطة omar2 في الأزياء والأناقة
    الردود: 2
    اخر موضوع: 17-08-2006, 02:44 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ