مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 8 من 29 الأولىالأولى ... 45678910111218 ... الأخيرالأخير
عرض النتائج 71 الى 80 من 287

|| الاستفسارات الخاصة بالمدارس والروضات المصرية [ حكومية / عالمية ] ..~

(مدرستي بيتي الثاني - منتدى لكِ)
السلام عليكم يبدو من العنوان ان الموضوع قديم، و لكن انا وجدت ان المواضيع كترت اصبح البحث فيها صعب ما شاء الله 13 جزء في ...
  1. #71
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى

    confused مدارس مدارس مدارس... فيصل هرم جيزة

    السلام عليكم

    يبدو من العنوان ان الموضوع قديم، و لكن انا وجدت ان المواضيع كترت اصبح البحث فيها صعب ما شاء الله 13 جزء في البحث عن مدرسة كلهم فوق ال 100 صفحةده غير ان مدارس التجمع دخلت في مدينة نصر دخلت في فيصل دخلت في الهرم، ده غير سلامات كتير فعندما يبحث احد عن مدرسة يجد صعوبة في ايجاد مدارس منطقته و المعلومات عنها.

    فيا ريت يتضمن هذا الوضوع مدارس فيصل و الجيزة، و لي رجاء خاص للامهات ، ان الكل قبل المدرسه و في وقت التقديم تكون له مشاركات فعالة و بعد ذلك انتهى الموضوع لماذا؟

    فلتتذكر كل ام معاناتها في البحث عن مدرسة و كم ستخدم من الامهات اذا هي ذكرت تجربتها مع المدارس التي تعاملت معاه و اولادها فيها او نقلوا منها و تذكر عيوب و مميزات المدرسة و عنوانها و مصاريفها، كي تساعد غيرها على التقديم او تنقذها قبل الوقوع في مدرسة سيئة.

    سأبدأ بسرد للمدارس التي قمت بتجميع معلومات عنها و يا رب نجد المشاركات الفعالة كي يكون موضوع مفيد

    و شكرا للجميع


  2. #72
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    مدارس فيصل و الهر و الجيزة اللي وجدتهم في كلام الاعضاء في الاجزاء السابقه للبحث عن مدرسة هي

    ايجيبت دريم
    أل عثمان

    امون اكاديمي
    براعم مصر للغات
    بلوم
    بيراميدز
    التربية الحديثة بالمريوطية
    الجيزه لغات
    جينيس
    حفر الباطن
    دار الحنان
    دار الهدى
    دايموند الماسة
    الرضوى لغات
    رويال اكاديمي
    رويال بيراميدز
    سرور
    طبري
    الطلائع الأسلاميه
    علوي
    فاروق الخاصة بالهرم
    فضل الحديثة
    قرطبة
    مانور هاوس سكول
    محرم الأسلاميه
    مصر للغات
    المصرية للغات
    الملكة
    الوادى لغات
    وايزنيس


    ده اللي قدرت اجمعه من اسماء مدارس مع بعض التعليقات عليهم، اتمنى من لكل لمشاركة و خصوصا تجارب الامهات لان هم دليلنا الان








  3. #73
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    اما عن تعليقات الناس عن المدارس فهي كالاتي، معلش ممكن تلاقوا بعض الكلام مش واصل ببعضه لانه متجمع من تعليق اكتر من واحدة، و لما يكون في تعليق جديد بيبدأ م سطر جديد

    ايجيبت دريم
    في منيل شيحة بعد القرية الفرعونية ب5 كيلو متر

    ايجيبت دريم هايله بالنسبه للمصاريف اعتقد هيا اكتر من 3000 مع انها برده شكلهاظريف

    في طريق المنيب ولو كوبري المنيب وقف الاطفال يرجعوا متأخر جدا


    أل عثمان
    14 شارع الفريق محمد على فهمى الهرم 33838254

    المصاريف 3000 بس فى ناس قالت انها مشكويسه و فى ناس قالت انهاعاديه

    سن التقيدم برده 3 ونص في اول امتوبر
    ومصاريفها للكي جي عربي 2200 وللغات 3200
    والباص بيبدا من 1000

    امون اكاديمي
    الكلام فالمدرسه ممتازة ده غير ان سعرها بالنسبه لكتير معقول

    بالنسبهالقسم الناشونال 4300 شامله الكتب بس

    والسيمى 5600 ونفس الشئ الكتب بس

    والاميريكن مسألتش بصراحه

    وفى عندهم مدرسه عربى ودى الاطفالبياخدوا انجليزى عادى الى هو كتاب اضافى ومنهج اضافى عن انجليزى الوزارة +لغهفرنسيه من اول اولى ابتدائئ بس باقى المواد بيخدوها عربى

    ودى مصرفهاالسنه دى الk.g 2200

    اولى ابتدائى 2150


    وبردوا شامله الكتب بس وكلالاقسام ممكن تقسيط المصريف على اربع اقساط

    عند التقديم

    15\10

    1\1

    1\3

    وبيقولوا من اول الكى جى 2 بينزلواالاولاد يصلوا الظهر

    وفيها 3 حصص تحفيظ قران فى الاسبوع

    وبيدهم شهادة i.c.d.lمعتمده وممكن الاولياء كمان يشتركه وياخدوها
    وده كله فى المدرسه العربىزىه زى الاكاديمى وبصراحه انا شايفه ان لو الكلام ده حقيقى تبقى مدرسه كويس بس اللهاعلم

    وده الموقع بتاعهمwww.ormanschools.com
    اقولكم ان فى المدرسه العر بى كثافه الفصل من 25 الى 30
    واللغات قالتلى 25
    وعندهم كشف طبى مش فاكرة اسبوعى وله شهرى على الاطفال


    التعليق ده من عندي بالنسبة لمدرسة امون اكاديمي ، ان هم بيتكلموا باسم امون لكن الموقع بتاع الاورمان و مش عارفة باقي اللام ينطبق على امون و لا الاورمان


  4. #74
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    براعم مصر للغات
    قبل المريوطية شمال الهرم ( وهو غير مصر للغات )

    بلوم
    بلوم وده الموقع بتاعها الكل بيشكروا فيها وده موقعها
    http://www.bloomschool.com/
    بياخدوا النظام السيمي ناشونال علشان لوحبيتي بعدكدة التحويل للانترناشونال

    مصريفهم 8000 والباص 2000 وعرض عاملينه لحد قبل شهر مايو انه ياخد 10% خصم لاخرحياته فيها على كل المصاريف وبتتجفع بقسطين 60% الاول وعلى شهر 12 ال %40 الباقيين
    وسن التقديم فيها 3ونص في اول اكتوبر
    للكي جي

    بيراميدز
    مدرسة بيراميدز ......فاشلة
    مدرسة Pyramids مش كويسة و كتبت كدة من قبل ... هي بتعمل بروباجندا لنفسها جامدةلكن التعليم فيها فاشل ... و دة عرفته من جارة عندنا في العمارة ...بسالها مرةخريجة مدرسة اية ؟؟؟ لقيتها بتقول Byramids (طبعا النطق مختلف ...ففهمت ان التدريسفيها تعبان جداً و دية نصيحة بقدمها للامهات لا تنخدعوا باعلانات المدارس البراقة والكلام الفارغ دة ( عندنا حمام سباحة و خيل و و مش عارف اية ) كله ضحك على الذقون ... المهم بجد التدريس يكون كويس و مدرسين اللغات يكون نطقهم سليم ...

    شكلها كويس و استقبالهم كويس جدا ومصاريفها حوالي 5000

    التربية الحديثة بالمريوطية modern education
    مصارفها 4500 بالكتب والباص فى حدود1400 وهى صغيرة بس الادارة كويسة خالص والعدد فىالكلاس اقل من 20 والاولاد معروفين بالاسم ومهتمين جدا باللغات
    والنطق الصحيح لولسه بدورى ممكن تروحى تشفيها
    الجيزه لغات
    الرمايه خلف فندق الميريديان شارع روضة الأهرام - 338331042
    المصروفات 2000 و لاباص 1000
    و فى أخت فى منتدى اخر ليها قريبهاولادها فيها و بتشكر فيها

    مدرسه عاديه جدا فى كل حاجه كل كلاس فى منه فصل واحد فقط فى تحفيظ قرأن لحد برى 3 . المدرسه فنائها صغير جدا و كل الأعاب و الأنشطه بيمارسوها فى نادى جنبهم بيبقوامأجرينه
    سألت و ليه امر قالتلى المدرسه وحشه و عايزه تنقل ابنها
    سألت واحدهتانيه قالتلى لأ كويسه و ملتزمين و متعاونين
    سألت و لد فى اولى اعدادى قال انهبيحب المدرسه جدا و المدرسه كويسه و قال ان اقل طالب عندهم بيجيب 90% و ده اللىبيعتبروه خايب
    مصاريفها لبرى 4 2800 + 1100 الباص للرمايه +من 300 ل 400يونيفورم
    الكثافه سألت الميس عليها قالتلى برى 4 اقصى حاجه 20 و لما سألت الأمقلتلى مبيوصلوش 30 هى مشتركه لحد أعدادى و ثانوى بتاعها فى مكان تانى مش فاكره فين - الأم قالتلى ان فيه شده و التزام زى بتوع زمان

    يعنى انتى لو رحتيها هتحسىانهم كأنهم كلهم اسره واحده و عارفين بعض
    بس فى الأخر هى من وجهة نظرى عاديهمفيهاش حاجه مميزه يمكن صغر العدد يخليكى تعملى كونترول احسن و طبعا قربها منالبيت. الأم قالتلى ان الأداره متعاونه و بيغيروا المدرسين لو فيه شكوى و مفيش ضربفى زعيق

    بيدوا برايت ستار و فرنساوى

    المدرسه كويسه من حيث الأهتمام بالناحيه التعليميه و الأخلاق و اللى حاسسنى بكدهكلامى مع مدير المدرسه راجل تربوى و مسئول .. الأنشطه ضعيفه و مش بيدولهم كمبيوترمش بيدخلوا المعامل يعنى المدرسه كثافتها منخفضه جدا وديه ميزه بس فى المقابل صغيرهو ضيقه جدا و الفصول ضيقه اوى

    الراجل قلنا ان برى 4 مش هيقل عن 2800 يعنىممكن يوصل 3000 + قولى 1200 باص للرمايه (حيث اسكن) + 300 يونيفورم يبقى بنتكلم فى 4500 تقريبا و انا شايفه ان ده كتير عليها


  5. #75
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    حفرالباطن
    نزلة البطران شارع ابو مسلم المريوطيه هرم
    - 3845921
    3600 لبرى 4 + 1600 باص + 300يونيفورم


    ناس بتشكر فيها و ناس بتقول ان مستواها مبقاش زى الأولالحقيقه ايه اللهاعلم
    اسمع عنها انها كويسة جدا ب 3200 طريق البطران من شارع النفق سهلة الوصول واناعجبانى قوى بس لسه مش مقررة لانى كمان هاحول لاخوه الكبير فى سنة 2 فلسه طبعا هابصتانى

    )دى انا اسمع انهم بيدوا المدرسين فلوس كويسة علشان كده بيهتموا بالولاد ومشبيتغيروا

    دار الحنان
    اول فيصل

    2400
    برده واحده اعرفها بنتها فيها و بتشكر فيها و بتقول اعدادى
    فيها احلى من ابتدائى

    انا اسمع ان دار الحنان حلوة بس كثافتها عالية جدا 30 تقريبا او 35
    ابن عمتى كان مدخل ولاده فيهاوحولهم تجريبى لما لقى العملية محصلة بعضها

    وهى ممتازة على حسب ما اسمع عنها والفرع الثانى لها خلف شارع الهرم اعتقد فى خاتمالمرسلين

    فكرت فى دار الحنان بس زميلتى فى الشغل حولت منها بتقول اول ما فتحو كانو ممتازينبس دوام الحال من المحال

    دار الهدى
    بجوار معهد مشارى للقراءاات
    الهرم 33881320
    3200 لبرى 4
    انا روحت وزرتها و اولياء الأمور شكروا فيها بس هى خانقه
    اوى و غير جيده التهويه و شكلها وحش بصراحه و متستهلش الفلوس تتدفع فيها - دهرأى

    دايموند الماسة
    فى مدرسه فى فيصل اسمها Diamond هى جديده بس بيشكروا فيها اوى
    انا ليه واحدة صاحبتي راحت قدمتلبناتها في( مدرسة diamond ) أو الماسة اللي في الشارع اللي جنب ( كايرو مول ) بتشكر فيها قوي وبتقولي الادارة بتاعتها كويسةجدا وان مديرتها هيه اللي كانت ماسكةمدرسة (جينيس ) وسابتها وانها اتعرفت على ولية أمر نقلت ابنها من جينيس علشانالمديرة ده مشيت منها لأنها كويسة جدا
    ومصاريفها 5600جنيه من غير الباص وواسعة والفصل كثافته 20 طالب بس مش أكتر من كده وجايبين شيخ منالأزهر بيحفظ الاطفال القرآن
    انا بفكر اني اشوفها هيهكده قريبة مني جدا وهتخليني اوفر الباص
    وفي garden فيها العاب كويسة للولاد
    همه بياخدوا انجليزيوفرنساوي من kg وفي سنة رابعة بيختاروا بين الالماني والفرنساوي

    أختي الكريمة مدرسة (diamond ) مش في فيصل ده في الهرم في الشارعاللي جنب كايرو مول انا ليه واحدة صاحبتي قدمت لبناتها فيها بس ده اول سنة وبتشكرفيها وسألت اولياء امور فيها بيشكروا فيها
    وهيه قالتليانها من غير الباص ب 5600 انتي ممكن تتصلي بالدليل وتجيبي تليفون المدرسةوتسألي

    ........دايموند 6000 مصروفات وحوالى 1500 باص والزى 500.ولسه الرحلات والأنشطةوماخفى كان اعظم ولسه جديدة اوى


  6. #76
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    الرضوى لغات
    شارع المريوطيه امام كوبرى منشأه البكارى - 37454928
    المصروفات 2000 و الباص فىحدود 1000

    رويال اكاديمي

    رويال اكاديمي حلوه اصل ملاعبها حلوه وفيها ركوب خيل والمصاريف بالكتب 6000 تقريبا

    رويال أكاديمي اللي في المريوطية وللاسف هبتدي ادور على مدرسة تانية لأنهم غلواالمصاريف
    المصاريف بالنسبة لمرحلةالابتدائي 5700 جنيه و900 جنيه للكتب و1800 للباص مع العلم اني ساكنة في منطقة حسنمحمد يعني مش بعيد قوي عن المدرسة
    انا ابني طالع سنة تانية ابتدائي
    المدرسين مش كلهم أجانب بس فيهم مدرسين كويسين ومدرسين مش قوي بس الميزةان الادارة كويسة لو فيه اي مشكلة مع ابنك في الفصل لما تروحيلهم بيهتموا وبيخلواالمدرسة تشرحله تاني الدرس في البريك
    وقبل امتحان آخر السنة ادوا الولاد مجموعات تقوية ببلاش الزامية
    منهج الانجليزي هوه منهج bright star ومنهج تاني اسمه moving into inglish
    بصراحة كتابين هايلين ووزعوا علينا كتب فيها تدريبات في العربيوالانجليزي وmath ده غير الورق اللي بيوزعوه قبل الامتحان بتاع الشهر بيخلوكي مشمحتاجة كتاب خارجي
    كل اسبوع بيبقىفي امتحان في العربي والانجليزي والmath
    بالنسبة للأنشطة المدرسة واسعة جدا وملاعبها كبيرة

    المدرسة جميلة جدا في الكي جي علشان مديرة الكي جي امريكية بتتكلم عربي فبتهتمبالأنشطة والحفلات فهتحبب الولاد في المدرسة انا ابني كان بيبقى زعلان لما يغيب عنالمدرسة
    الأنشطة ليها مواعيدثابته في حصة ركوب الحصان مرة في الاسبوع او مرتين مش فاكرة
    وحمام السباحة ليه مواعيد بسبيبقى في اول المدرسة بس علشان الجو بيسقع بعد كده فبيبقى مفيش حمامسباحة
    وهمه مش بيدربوا الأطفالبيلعبوا في الميه وخلاص
    وهمهبيعملوا نشاط بفلوس للي عايز ياخد حصص في النشطة ده بيبقى يوم واحد في السبوع فيالسبحة والرياضة ب 60 جنيه تقريبا للنشاط الواحد انا دخلت ابني الكاراتية وحسيت انهمستفدش فمدخلتهوش تاني

    بالنسبة للغة هتحسي بفرق معاهم همه في التعليم كويسين في حاجه انهمبيدوا التعليم مع اللعب يعني مش هتلاقيهم بياخدوا واجبات كتير بس بتلاقي ابنك حافظالحاجة فالمجهود اللي بتبزليه مش كتير
    ودايما بيخلوا الولاد يتكلموا بالانجليزي في الفصل علشان يدربوا علىاللغة كويس ويكتسبوا كلمات جديدة
    وبالنسبة للدين مهتمين بيه اذا كان الدين المسيحي أو الإسلامي انا مسلمةوجارتي مسيحية وبنتها مع ابني في المدرسة وبتقول عليهم كويسين
    اما بالنسبة للدين الإسلاميفمهتمين جدا بيه السنة ده جابوا مدرس يحفظ الولاد سور كتيرة من جزء عم وعملوله حصةكل أسبوع ابني حفظ لغاية سورة الهمزة
    بالنسبة للباص مواعيدهم تحفة لأن مشرفة الباص بيبقى معاها موبايل بترنلكعلى الموبايل بتاعك قبل اما توصل عندك ب 10 دقايق فتبقي عارفة بالظبط هيجوا امتى
    طبعا ساعات بتحصل لخبطة في الأوللغاية أما المشرفة تعرف المكان اللي هترن منه
    بالنسبة لسؤالك عن المذاكرة فالحمد لله مع ابني انا مكنتش بذاكرله خالصهوه كان بيجي حافظ من المدرسة يعني انا دخلته لغة تانية ألماني وانا معرفش فيه أيحاجه فهوه ماشاء الله حافظ كل حاجه ومكنتش براجعله خالص بس همه بياخدوه شفوي فيأولى ربنا يسهل السنة الجاية
    أنامجرد بقعد معاه في الواجب وساعات حاجات مببقاش عارفاها كنت بسأله المدرسة شرحتهاازاي هوه يقولي علشان اشرحهاله في الواجب واشوفه عمل صح ولالأ
    بس ده بيبقى حسب الطفل لأن فيهزميل لأبني كان استيعابه شويه بطئ فمامته اشتكت فالمديرة خلت المدرسة تهتم بيه فبقىكويس
    لكن الحمد ابني وبنت جارتيمشتكيناش من الموضوع ده أولادنا بيرجعوا عارفين يعملوا الواجب وحافظين معظم الدروس
    واحلى حاجه انهم بيدوا ورق كتيرللمراجعة والامتحان اللي بيعملوه كل اسبوع بيخلي الاولاد حافظين كل حاجه
    وعلى فكرة انتي لو كنتي عايزةتقابلي مدرسه الفصل بتروحي لمديرة المدرسة وتقابليها قدامها علشان يمنعوا موضوعالدروس الخصوصية
    الحمد لله أختياني قدرت اساعدك ولو احتاجتي اي حاجه اسألي
    المدرسة فعلا أسعارها بقت مولعة بس هيه كويسه وانا ووالده لسه محتارينننقله ولا نخليه علشان المميزات اللي قلتلك عليها

    مدرسة رويال اكاديمي (برضة وحشة ) و العيال فري اوي هناك سمعت ان البنات بتقعدتتمشي عهلى البسين بالمايوة .... و الابتدائي معقول لكن الاعدادي واقع ...

    رويال بيراميدز
    انا سمعت انها كويسة و بنت ابن خالي في سنة اولي اعدادي و بتقول انها كويسةوالمدرسين كويسين ... و بتفهم منهم هى بالنسبة لمصاريف سنة رابعة ابتدائي 5500 والباص 1200 ( و أية داخل هضبة الاهرام)

    مش اننا رحت انهاردة مدرسة رويال بيراميدز الي في هضبة الاهرام ..............
    جالي انهيار من شكل المدرسة .... ( دية اصلا بقالها 5 سنين بس) يعني مفروض تكون قمة في النظافة و الجمال ....لقيتها قمة في القرف و الاهمال) لقيت المدرسين قصدي المدرسات ولا العاملات فيها جايبين اولادهم و عاملنها حضانة ... و عاملة النظافة دايرة في الرسبشن بالجردال و الخيشة ... اما الفصول فحدث ولا حرج ... بنتي اتخضت من شكلها ... فاشلة جدا


  7. #77
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    سرور
    بيقولوا كويسة موجودة في محطة التعاون فيصل بس مساحتها صغيرة جدا ، و مفيهاش تقريبا حوش ، ومصاريفها في حدود 2000 و شوية

    اخويا ساكن فى فيصل واولادة فى مدرسة سرور ومرات اخويا بتشكر فيها وفعلا الولادماشاء اللة عليهم مستواهم كويس والمدرسة بتبعت معاهم الشتات فى البيت والحق يتقالان مرات اخويا مستواها فى الانجليزى ممتاز ودة مساعد الولاد كتير وكمان مدخلاهماليوسى ماس وجيبلهم محفظة قران فى البيت يعنى اللى عايز ولادة يبقوا حاجة لازم يبذلمجهود اكتر وطبعا يعقد النية ويتوكل على اللةلكن هى فعلابتشتكى من الفناء الضيق وانة مافيش انشطةوطبعا لازم نتنازل عن حاجة مقابل حاجة

    كثافة الفصل 25-28 المنهج فى كى جى ماجيك تايم وابتدائى برايت ستار الواجبات كتيروفية كتاب كمبيوتر وكتاب نشاط عملى الادارة كويسة وحازمة المدرسين كويسين وكباريعنى ليهم خبرة الامتحان كل 24 يوم تقريبا وفية كراسة متابعة لكن بالنسبة للسلبيات فهى كالاتى هىحاسيت ان كان فية عدم نظام شوية السنة دية و البصات زحمة والدادت كبار فى السن يعنىقليلى الحركة شوية ومش دايما فية دادة فى الحمام انا عارفة ان المعادلة صعبة لكن زىما فية نقاط ايجابية فية بردة نقاط سلبية

    وسرور صغيرة اوى

    طبري
    مدرسة طبرى لغات
    شارع سقاره المريوطيه - 33814123
    المصروفات 2000 و الباص فىحدود 1000

    الطلائع الأسلاميه
    المهندسين خلف مسجد مصطفى محمود

    2200
    واحده صاحبتى اولادها فيها و بتشكر فيها اوى و فى مستواها
    العلمى و فعلا اولادها ما شاء الله عليهم ممتازين مع انها مش بتساعدهم فى البيت - ولو كانت قريبه منى كنت دخلت بنتى فيها

    أولاد صاحبتى فيها و مستواهم ما شاء الله حلو جدا و سعرها جميل تقريبا 2200 برى 3 وبياخدوا انشطه و مهتمين بالأولاد و بيدوهم بوكليت كمان بصراحه مدرسه هايله انامشفتهاش بس من اللى بسمعه عنها و بالسعر ده تبقى حلوه جدا

    علوي
    علوى بحوالى 7000 جنيه
    انا ليه صاحبتي اولادها كانوا هناك ونقلتهم من علوى علشان سوء معاملة الإدارة زيماعملوا معاكي كده اسلوبهم وحش ومش بيغلطوا المدرسين
    علوي مدرسة كانت تحفة .... بس نزلت عن الاول لما كان صاحبها الله يرحمة عايش ( امالما بناتة مسكوها وقعت شوية ) و دة برضة الي سمعته و الله اعلم

    رحت بعد كدة علوى .... شكلها كويس ,,, هي برضة قديمة شوية ( بس الناس الي فيهاشكلهم فاهمين و مرتبة ... ) عملوا امتحان انجليزي لمريم ..و لسة مفروض النتيجةمطلعتش .... و بعد كدة في مقابلة ليا لنا و باباها .... بصت على الفصول ... لقيتهاكويسة نظيفة مرتبة و فيها تكييف... و لما امتحنوا البنت فتحوا لها التكييف في الفصل ...
    هي مش خطيرة ... بس اعتقد انها كويسة ...من حيث المبدأ و المصاريف تقريبا 6700 من غير الباص ... ربنا يقدرنا بقى ( المهم تكون مدرسة كويسة ) و لسة فيالمقابلة القادمة معانا حسأل اكتر على المدرسين و الادارة وموضوع الاستقرار فيالمدرسة ...

    بياخدوا 6500 والباص 1700

    استقبالهم رخم جدا ، و طبعا ما شفتش المدرسة أصلا ، ومصاريفها حوالي7000 لأولى ابتدائي


  8. #78
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    فاروق الخاصة بالهرم
    مدارسالفاروق الخاصهبالهرم

    المصاريف للعربي 2234
    وللغات 3526

    انا حكيليك علي مدرسة الفاروق الهرم وقوللي ايه رايك
    اولا طلبو في اول الدراسةالكراريس وورق كانسون وكراسة كانسون والوان وخيط صوف وترتر
    ورزمة ورق تصويروعلبة مناديل وصلصال وكراريس رسم للأنشطة اه وفرع زينه وورق كريشه يعني طلباتبحوالي 100 جنيه ماشي
    وقالوا الحاجات ديه للفنون وهتجيلك اخر السنه في الفايلبتاعها والأعمال الفنيه اللي عملوها
    وكنت عجبني اني بروح اخد البنت من الكلاسنفسه واتكلم مع الميسات معهم براحتي ومعايا كمان ارقام التليفونتهم
    ثاني حاجهوانا بتفرج علي المدرسة ايام التقديم قالو في قسم الكي جي في لعبة الدوده والعابليهم وفرجوني علي جاردن رمليه عبيطه قوي مافيهاش غير زحليقه والباقي ارنببايظ
    وبعدين الرحل الترم الأول قالوا رحله مجانا لي حديقة الأزهر وبعدين قالولاغينها وخلينها حديقة الحيوان فطبعا مابعتش البنت الرحلة , ورحله الترم الثانيلسيرك عتاب بان في الرمايه ب10 وخلاص علي كدها
    وبالنسبه الدراسه كانو التيرمالأول ماشين واحده واحده وبصراحه ده كان كويس
    والنت كانت شاطره في التيرم الأولكان العربي لحد س والإنجليزيي لحد L والماث 5
    اما التريم الثاني بدأو يجروويدوبك خلصوا حروف العربي واخده كتابه علي حرفين بس اسد و بطة وانا إسميمريم
    والنجليزي 3 كلمات كتابه بس cat dog hat
    والماث من 1:20 وكتابه one - two - three
    والجمع في حاجات بسيطه هوه ده الماث عندهم
    اما الأكبر والأصغر مااهتموش بيه قوي وكانت طريقة الشرح مش واضحه للبنت
    وكمان كانوا بيدوم حساب وفيالأخر ممتحنوش فيه ومش عارفه ليه كانو واجعين به دمغنا طول السنه من1 :20
    اماالدين كان التحفيظ عباره عن مقرأة لامين حوالي 3 كلااسات في فصل واحد المقرأة تقرأة السور وخلاص
    والبنت كانت مش بتحب تحضر من كتر العدد ومش بتحب الصوتالعالي
    والكمبيوتر مكنش فيه ليه كتاب اصلا ومدوش حاجه فيه يدوبك كانت تقعد عليالجهاز بتقلي بنلعب وخلاص
    معأني فيمدارستانيهكانوا عاملين ليهم كتاب ظريف للكمبيوتر
    اما الشيتات طبعا اساسا احنا اللي جايبينالورق بس كان الشيت بيجي في نصف ورقه وكلام صغير كانو بقولوا اللي مسئول عليالتصوير هوه الي عامل كده
    والأمتحانات هوه امتحان شهري واحد في الترم الأولوامتحان التيرم وامتحان الترم الثاني وامتحان اخر السنه بس
    بس كل اسبوع فيمراجعه يوم الخميس ولما كانوا بيدو شيت قبل الأمتحان قلاقيه عبارعن تجميع شيتاتالترم كله ومكنش فيه تجديد يعني خلاص البن حظت حرف كذه بجيبوا كلمة كذا وخلاص معاني كل حرف عليه 3 كلمات أ كلمة اسد ابرة اذن في كل ورق المراجعات مكنوش يجيبوا غيركلمة اسد
    وبصراحة البنت كانت شاطره التيرم الأول اما التير الثاني لما بقي حرفينفي الأسبوع مكنتش مركزه قوي وبصراحه انا كمان مكنتش مركزه معاها ولما بداتاشكي
    قالو اني بنتي التيرم ده بقت سرحانه مش بتكلم زي الأول طيب كان فين الكلامده من قبل كده ماقلوش إلا لما بدات اشتكي
    وكل لما اقول للميس البنت مش شاطرهتقولي بنتك بتدلع عليكو هيا معايا زي الفل اه كانت تعرف تتملي الحروف بس مش عارفهده حرف ايه هيا كانت بتكتب وخلاص حافظه كتابه
    ومفيش ولا اغنيه عربي خادوها امااغاني الانجليزي اغنيني بيبي دونت كراي وهيا اساسا حفظاها من الأول واغنية لكرافتلايت اشارات المرور بس
    وكمان كان في مجموعة كتب مثل صغيرة من اكسفورد اسمها potato plas
    علي ما اذكر كانو بيخدوها ومعاها اسطوانه اسماع فقط ولما اناعملتلهم اسطوانة عليها نفس اغاني الكتب بس مصورة فيديو من علي النت عشان تجذبالأطفال اكتر مهتموش بيها حتي عملتلهم اسطوانه اغاني عربي للحروف الآبجديةوالأنجليزية الارقام وايام الأسبوع وكله مصر فيديو بردو مهتموش بيها مع اني دهبساعد الأطفال علي التركيز مع الأغاني اكتر
    وكمان ملكيش علي لبسهم مش حلو خالصاساسا حكاية الدرل ديه مش نافعه حتي كولون واحد مش بكفي يدفي وكمان الجو بكون باردجدا
    بس بصراحه الكلاس بتعهم كان جميل قوي وتهوية حلوة والعدد كان 25
    انا فعلاطول عليكي قوي طيب شوفي تحبي تسالي في ايه تاني وان ارد عليكي
    ومصاريفها 3526لغات واللبس تي شيرت صيفي 30 شتوي 40 درل 35 جاكيت 86 وخفيف جدا مجبتهوش وتريننج بي 90 وكله حسب المقاس وحسب العدد اللي انتي هتجيبيه واحسبي
    وطبعا بابا كان بوديهاوانا اجبها بس

    فضل الحديثة
    موجودة على شارع فيصل فى الطوابق ويقومون حاليا ببناء مجمع مدارس فضل فى شارع كعابيش واسمه الجديد احمد زويل
    وهى
    لها سمعة طيبة دراسيا الا ان الكثافة العددية فى الفصول تفوق 70 طالب فى الفصل وهذا هو اشد عيب فيها اما معاملة الادارة فجيدة ومريحة ويسمعك حين تكون لكى شكوى ويحاول حلها


    قرطبة
    المدرسة التى اعانى منها الامرين من فترة طويلة وقد كرمنى الله ونقلت منها اولادىهذه السنة بعد طول معاناة واليكم التفاصيل عنها لمن ترغب فى المعرفة

    اولااصحاب المدرسة ليسوا اولاد الشيخ شلتوت رحمه الله شيخ الازهر السابق بل فرع اخر فىالعائلة وشتان بين الفرعين
    فهم ابناء عبد الحليم شلتوت وليسوا عبدالحميدشلتوت
    المدرسة فرعان القديم مدرسة قرطبة الخاصة عربى مستوى رفيع وتقع فى 1ش عبد الحليم شلتوت المطبعة فيصل والثانية معهد قرطبة الازهرى قسم عربى وقسم لغاتويقع فى شارع مسجد التوحيد التعاون فيصل شارع بجوار محطة بنزين التعاون وستجد مبنىفخم من الخارج والاستقبال نعم ولكن لا تغركم المظاهر
    وقد بدات مشكلة جميعاولياء الامور بعد انتهاء بناء المعهد لان كل مدرس جيد فى المدرسة العربى ينقلوهالى الازهرى حتى يعمل سمعة جيدة للمعهد وكل مشرفة مهذبة تنقل من المدرسة الى المعهدلنفس السبب وتبقى في المدرسة سليطات اللسان

    فهل معنى هذا ان المعهد مستواهجيد لا بالطبع لان سوء الادارة يلغى اى مجهود جيد يقوم به المدرس

    والادارةواحدة فى المدرستين فاصحاب المدرسة هم نفسهم المديرين المسؤلين وهم غير تربوينبالمرة وشتان بين الادارة الحكيمة وصاحب راس المال
    المهم والله والله لقت رايتصاحب المدرسة يضرب الاطفال بالشلوت على المؤخرة والاخر يضربهم بالقلم على وجوههماطفال فى سنة 6 ابتدائى واعدادى وقام بحبسهم فى المدرسة لمدة ساعتين بعد انتهاءاليوم الدراسى ولم يبلغ الاهل بهذا العقاب والسبب بيضحك فى الفصل.

    ولكى انتتخيلى قلق الامهات والاباء حين يتاخر الاطفال عن الموعد كانو يتصلوا بكل الناسويجرون فى الشوارع كالمجانين
    حتى المدرسين لديهم بعض المدرسين وليسوا كلهمللامانة يضربون الاطفال بالعصا فى ابتدائى اما KG يقرصوا اذنهم او يهددوهم بالغرفةالمظلمة وغرفة الفئران

    بالنسبة للانجليزى فمستواه معقول وهذا بفضل مشرفةاللغة الانجليزية مس لبنى وهذا فى المعهد اما المدرسة العربى فحدث ولا حرج مستوىالانجليزى ضعيف لان الاهمال من الادارة فى تصوير الشيتات بلغ اشده ولا تسلمللتلاميذ فى موعدها بل احيانا بعد الامتحانات الشهرية فما الداعى لها

    وللامانة المعهد مجهز بطريقة احدث من المدرسة فكل الحلو للمعهد اما القديمللمدرسة المعهد السبورة البورد الابيض ولكن المدرسة طباشير وغير طبى كمان

    وحين تشكى من اى شىء يقولك مش عاجبك المدرسة امشى انا عندى كثافة زيادةفليس من حقك ان تشكى الديسك المكسور الذى يجلس عليه ابنك او الطباشير الذى اهلكصدورهم او الفصول الحر بدون مراوح

    يعنى باختصارTAKE IT OR LEAVE IT
    واذا كان عاجبكم ومنذ سنتين يقومون بعمل موقع على النت وحتى الان لم يعمل

    :http://www.qurtuba.info/App_Forms/default.aspx

    بالنسبةللباصات الجميع يشكو من الموعد المبكر جدا صباحا والتاخير جدا بعد الظهر وبالذاتلسكان الرماية والهضبة فالموعد صباحا 6:15 اما بعد الظهر فيكون اخر الدورة وحسبسيولة مرور فيصل

    فلا تغركن المصاريف الاقل من الغير واسأل مجرب
    علىفكرة اخر معلومة وصلت لى من اصدقائى انهم بيعملو كورس صيفى للطلبة بمصاريف ورفضوايستلموا مصاريف السنة الجديدة الا بعد ان تدفعى مصاريف الكورس الصيفى ويحاولوايجبروا الاولياء الامور على الكورس الصيفى بحجة ان ابنك ضعيف طيب ضعيف من ايه وهوخريج مدرستك مش فاهمة
    مانور هاوس سكول
    في مصدق- الدقي ومصاريفها والباص لحد الهرم ب 6000
    وبرده كتير جدابيشكروا فيها واعرف ناس كتير فيها واتخرجوا منها الانجليش بتاعهم قوى جداا وحلو اوىاوى
    واولياء امور كتير بيشكروا فيهامصاريف من غير باص 3794

    ناس أصحابنا ابنهم فى مانور هاوس و مبسوطين أوىىىىىىىىىىى
    بس هى المدرسة صغيرةشوية


  9. #79
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    محرم الأسلاميه
    شارع عز الدين عمر الهرم

    البرى 3000 - الباص 1300
    - اليونيفورم 300
    هى حلوه و الناس كلها بتشكر
    فيها اوى عيبها الوحيد ان كثافة الفصول ممكن توصل ل 36
    موقعها
    : http://www.moharramils.com/

    هرجله و هيصه و محدش رضى يفرجنا على حاجه و ام هناك شوفتها شكتلى منهم اوى و كانتعاوزه تنقل ابنها و المفاجأه القاصمه و التى جعلتنى اسقط هذه المدرسه تماما منحسباتى ان الولد قالى انهم 40 فى الفصل و كمان المدرسين بيضربوهم !!!!!!!!
    مفيشاهتمام بالصلاه غير للكبار
    الأداره مش فعاله اوى المدرسه كبيره و كثافتها عاليهو مفيهاش rules واضحه
    محرم كويسه و ناس كتير شكروا فيها بس برده فيها سلبيات بس السلبيات ديه اكترها فىمرحله الأبتدائى لكن البيبى كلاس و الكى جى تمام كل الناس اللى كانوا اولادهم فىالكى جى كانوا فرحانين و مشتكوش من حاجه الناس اللى اولادهم فى ابتدائى هم اللىاشتكوا من الكثافه العاليه 40 فى الفصل من عد تفاعل الأداره بشكل مناسب مع طلاباتهمحسسونى ان المدرسه كبيره و هيصه و محدش مهتم اوى لكن بيستجيبوا برده لمطالبهم فىاهتمام بالقرأن لكن الصلاه للكبار بس و كمان الأنشطه ضعيفه.. و الله اعلم

    مصر للغات
    يمكن تكون مصر للغات هية الأفضل فى المنطقة لكانمصاريفها عاليةجدا بتوصل ل 7000 جنية من غير الباص بالاضافة لأسهم توصل ل 10000جنية.

    المصرية للغات
    المصريه بتحسى معاهم انهم ناس فاهمين بيعملوا ايه و عندهم سيستم ماشين عليه و انالمدرسه مش معتمده على فرد او على ميس لأ ادارة المدرسه تعتمد على سيستم موضوع والكل بيمشى عليه بصراحه هى فيها كل حاجه:
    الناحيه التعليميه تمام
    الأهتمامبالأطفال و معاملتهم تمام
    تعاون الأداره تمام
    الأنشطه تمام
    المدرسه واسعهو نظيفه جدا و صحيه من حيث التهويه و الأضاءه
    أسلاميه فيها تحفيظ قرأن و اهتمامبالصلاه و فصل بين الأولاد و البنات
    كثافة الفصول منخفضه

    في كمان مدرسه كويسه جدا وبيشكروا فيها كتير اوى هى اسمها المصريه الدوليه فيالمريوطيه
    انا سالتهم لاقيتهم بياخدوا المصاريف 3600 والباص على حسب المكان
    والباكيدج بتاعت الهدوم 500 جنيه للصيفي والشتوى وهدوم الترفيه
    وممكنيتقسطوا
    والمصاريف بتدفع بالترم بالنص

    المدرسه مهتمه بالصلاه و تحفيظ القرأن و الجانب الأخلاقى فيها عالى و بتفصل اولادعن بنات
    و الجانب التعليمى الناس بتشكر فيه

    اسمع انها حلوة اوى
    مصاريف السنه دى كالاتى :
    3600 + الباص على حسب المكان
    وفي 500 جنيه باكيدج للهدوم بتتجاب من محل جلجله في الهرم
    ممكنانت تاخدى الباكيدج على بعضها او انك تقسميها الصيفي مره والشتوى مره
    المصاريف بتتقسم على نصين يعنى كل ترم بمصاريفه
    1800 لكل ترم
    ومستوى الليبيشتغلوا هناك كويس اوى
    بس انت لو عاوزة تروحى تتفرجى علىالمدرسه وتتفقي على كل حاجه عاوزة تعرفيها تروحى اى يوم سبت لان السبت بتبقىالمدرسه كلها اجازة ماعدا الاداره
    لكن لو روحتى اى يومتانى مش هينفع تتفرجى على المدرسه
    هتروحى بس تقابلي حدتعرفي منه استفسراتك

    سمعت انها كتير كويسة وبيهتموا بالاولاد وكمان بالدين صاحبتى راحت شافتها وشكرتفيها وفى معاملة الناس هناك بس كانت ليها مشكلة واحدة معاهم انهم مش بيدو الاولاداى كتابة فى الكىجى كلو اورال فقط وهى مش مقتنعة بكدة بالنسبة ليه انا بدور علىالاقرب عشان كدة جينيس ليها نقاط اكتر عندى

    في المريوطيه مصاريفها والباص والينيفورم حوالى 5500-6000 بس مكان المدرسه مش حلو لكن ناس كتير بتشكر فيها عن نفسي ماستريحتش لهاخالص

    المصريه الدوليه مكانها فيا لمريوطيه خلف فندق سياج
    بس لجوا شويه ومكانها مشظريف لكن كمدرسه بتأسس لغه واطفال كويسين وفيها ملاعب كوره وباسكت وفولي وفيها بسينوجارد فيها مراجيح وحاجات كده لمرحله كي جى وان وتو
    شرطها الاساسي للقبول انيكون الواليدين معاهم مؤهل عالى يعنى لا ثانويه عامله ولا دبلوم
    وان يكون الطفلمعنوش اى مرض معدى ويكون اكتيف مع الناس
    ومش بيعملوا انترفيو للطفل في الكي جى
    بس بيشوفوه ازا كان متعاون ومتكلم وفيه حيويه وبيعرف يرد ويتكلم ولو كلماتبسيطه انجلش ولا لا
    الفصول غير مكيفه ولا فيها مراوح حتى
    فصول الكي جى فيهاترابيزات 4 او 5 في الفصل الواحد وكل ترابيزة فيها 4 كراسي
    فيها حمام للبناتوحمام للولاد وشكل الحمام ظريف ونظيف
    فيها مسجد للبنات عشان الصلاة والاولادبيصلوا في الجاردن مع المشرف
    الباصات بتاعت المدرسة بتدخل الاطفال وبتاخدهم منداخل المدرسة
    بيدرسوا انجليش لمرحله الكى جى ومن اول اولى ابتدائي بيدرسوهمفرنساوى
    ومن اولى اعدادى بيدرسو المانى
    المدرسه من كي جى وان للثانويهالعامه
    مصاريفها السنه دى 3750+ الباص من 1000-2000 على حسب بعد السكن عنالمدرسه
    ومن او ل السنه دى هيفصلوا البنات عن الاولاد من اول اولى ابتدائي
    البنات لوحدهم والاولاد لوحدهم
    ايه تانى
    انا مش فاكره اه
    بيخلواالاطفال كل سنهتحفظ جزء قران
    وبيعلموا اطفال كى جى وان وتو الوضوء ومن اول اولىابتدائي يتعلموا يصلوا جماعه مع بعض
    البنات مع المشرفه بتاعتهم في المسجدوالاولاد مع مشرفهم في الجاردن

    الابلكيشن ب 250 والباكيدج بتاعت اليونيفورمب 500 جنيه يمكن تجزئتها على الصيفي والشتوى وومكن كله مره واحده وبيتجاب من محلاتجلجله فرع الهرم

    كثافه الفصول فيها مكسيمم 23 طفل للفصل الواحد

    بصى هى شكلها مش يبهر عشان هى مدرسة قديمة انا عرفتانها من 20 او 25 سنة تقريبايعنى لو بتدورى على الشكلوالابهار مش هتعجبك بس انا سالت واستفسرت عرفت من واحدةمودية 2 م عيالها فيها انهم كويسين ومحترمين وفيه تواصل بين الادارةوبين اولياءالامور ومافيش اى مشاكل وكمان اللى عاجبنىشخصيا فيها اهتمامهم بتحفيظ القران كلسنة بيحفظوا جزءوكمان حرصهم على الصلاة وفيه هناك مسجد وبيزبطوا ميعاد البريك معصلاة الظهر عشان يقيموه وبالنسبة للمنهج بيدوماكميلن
    وهما فى كىجى1 مش بيدواكتابة يعنى حاجات بسيطةزى الكتابة على النقط وبيبتدوا كتابة من النص التانى منكىجى2 ودا انا مقتنعة بيه عشان الطفل اعصاب ايديه بتبئى ضعيفة فى السندا(طبعا كلواحد ليه وجهة نظر) وكمان بحس ان الطفل فى السندا محتاج للترفيه اكتر من كتابةوهوم ورك وشغل تئييل لانهجاى جاى فبصراحة ققرت انى اتكل على الله ومليت ابلكشنفيهاعشان احجز فيها مكان لانى لائيت عليها ضغط شوية
    اه ونسيت اقولك حاجةوانابقدم لملك فيها لائيت ناس كتير جاين يحولوا من مدارستانية ليها فحسيت ان ليها سمعةكويسة
    زىماقلتلك مليت ابليكشن لحد ما تظهر حاجة تقنعنى اكتر بس شكلى كدة هكملمعاهم وهتكل على الله

    بالنسبةلسعرهم
    3750
    بالكتب
    بالنسبة ليه عشانانا فى اخر فيصلقرب الرماية الباص 1300 وكل منطقة ليها سعر
    انا ولادى فى المصرية الدوليةوهى مدرسة ممتازة جدا ومستاها التغليمى ممتازوانتىشرحتى تقريبا كل حاجةو هما فعلا مهتمين بالدين والصلاة وهى مدرسة انصح بهاللىعايز مستوى تعليمىكويس. بياخدو منهج اورل فى الانجليزى جنب المنهج الاساسى بس هما مش بياخدواواجباتفيها كتابة كتيريعنى مثلا بيدوهم فى كجى ون الحروف كل حرف بياخدو عليهكلمتينويكتبوه 3 مراتكابينل وسمول وبيهتمو اكثر ان الطفل يبقى عارف الحرف كويسالاولوبعدين الكتابةبيدوهم بالتدريج واتا ابنى الكبير السنة دى فى اولى ابتدائىوهوبيكتب وبقرا عربىوانجليزى كويس جدا وده المهم. 11-4-2009 هما بيدو شيتات بس مش بوكليت وهى بتكون علىكل درس فى العربى والماثوالانجليزى عن كل يونت وبيدو مراجعة على كل وحدة فى العربى و قبل امتحانالترم كانفى شيتات مراجعةلكل مادة شاملة كل حاجة
    اما بالنسبة لللكى جىفهما بيدواكلمتين على كلحرف + منهج اورال بيدوا فيه كلمات اكتر

    واجهة ممتازة يعنى
    ملبسين المدرسات يونيفورم وقابلنا مدير العلاقات العامة واضح انه اصلا عنده خبرةرهيبة فى المبيعات كلامه كويس جدا قال انه فى اهتمام جامد جدا بالانشطة وبيفضلواورا الطالب لحد مايلاقوا هوه بيحب ايه ويدخلوه فريق النشاط الى بيحبه – بيهتموابالدين بيقول كل سنة الولد يحفظ جزء – ساعة الصلاة المدرسة كلها بتصلى – بيفصلواالولاد عن البنات من رابعة بس فى نفس المبنى ( فصل فى الفصول )- طبعا قال مش هينفعنتفرج على المدرسة والتور بتكون يوم السبت اما اشوف باباهم قال هيروح يبصعليها
    المصاريف 3700 كى جى – 4200 ابتدائى – 1300 باص
    انا اخترت المصريةلعدة اسباب
    1-انها قديمة فىالمجال من 25 سنة يعنى فيها تقل وخبرة واستقرار
    2-اهتمامها بالدينتحفيظ وتجويد جزء سنوى والصلاة بالاولاد فى الظهر مع وجودمسجد
    3-سمعتها بالتعليمكويسة اوى اوى ودا طبعا سالت عليه من امهات موجودين فيها لان بنتى لسة كىجى1
    4-وجود اكتيفتى فيهاويو سى ماس وسباحة ودا مهم طبعا
    5-عجبنى نظامهم والواجهة اللىعاملينها لنفسهم زى اليونيفورم مثلا اللى السكرتارية والمدرسينلابسينه
    العيوب اللىلائيتها
    1-مبانيها شوية قديمة (لانها قديمة زى ماذكرت مسبقا)
    2-بعيدة عنى شويةلانى فى اخر فيصل وكان فى مدرسة اخرى جنبى مافيهاش اى ميزة غير انها قريبةبس
    بالنسبة للاكتيفتي فاى لعبةعايز ابنك او بنتك يشترك فيها ده بيبقى خارج المصاريف بس بتكون مصاريفها حاجة بسيطة 50 جنيه فى الشهر تقريبا وغالبا بيكون التمرين يوم السبت بس بالنسبة للبسين اوالسباحة فهما منزلوش خالص عشان مش بيبقى فى وقت طبعا الدنيا بتبقى برد او مش عارفةهما مطنشين الموضوع ده ليه بس انا مش مهتمة بالموضوع ده عشان بقلق عليهم وبعدين انابوديهم طول الصيف نادى يتمرنو سباحة
    كان عند ادهم فى كىجى ون مدرسة انجليزى ممتازة اكتلر من المدرسة اللى اديت اخوه التانية كانت كويسةبرضه بس الاولى كانت احسن يعنى كانت بتعمل للولاد لما ياخدو كل حرف مجسم بسيطللكلمة الى خادوها يعنى طيعا بيبقى فى فروقات بين المدرسين بس كلهم بيلتزمو بنظامالمدرسة بشكل عام من شيتات وكدة و بيشرحوا للولاد كزامرة
    بالنسبة لللنطق فدهحيبان اكتر فى برايميرى او انا حاساه اكتر مع ابنى الكبير لاختلاف الفروق الفرديةبينه وبين اخوه بس قدر اقولك انه السنة دى فى اولى ابتدائى وبقى بيعرف يقرا ويكتبانجليزى و عربى كويس وبصراحة كمان عنده مدرسة فرنساوى ممتازة بتحفظهم كل الكلماتاللى بياخدوها و انا مش بزاكر له فرنساوى خالص
    وفعلا هما مش بيبعوافى الكانتين غير خضروات او فاكهه او عصاير بس وحتى لو الولاد اخدو حلويات معاهمبياخدوها منهم ومش بيخلوهم ياكلوها بس هما مشددين على الموضوع ده فى الكى جى اكترمن برايميرى عشان الولاد ياكلو سندوتشاتهم
    انا ساكنة كنت ساكنة فى فيصلبس نقلت السنة دى الشيخ زايد و ولادى بيركبوا الباص وهو لفيصل 1400 اما للشيخ زايد 1800 وهما بينزلو من البيت الساعة 6 وبيرجعو 3 ونص علما بانهم بيخلصو 2 ونص يعنى فىالرجوع معقول بس الصبح اللى بينزلو بدرى اوى
    المدرسة بقالها 27سنة
    المصاريف للكى جى 3750 وللبرايميرى 4200 والباص اععتقد فى حدود 1300 1400 فى منطقة الهرموفيصل
    اليونيفورم الطقم (لبس عادى+سبورت )فى حدود 300
    كثافة الفصل 20 - 22
    اللغة الاولى انجليشماكملين
    اللغة التانيةفرنساوى من برايميرى ون اورال و له امتحان وبيضاف فىالشهادة
    الساينس من برايميرىون اورال وله امتحان وبيضاف على الشهادة
    الرياضة : اشتراكاللعبة 50 + الباص 50
    القران بيدرسوا جزءعم فى كى جى وجزء كل سنة فى برايميرى
    الحفظ مشاجبارى
    الحفلات
    حفلة العيد الصغيروالكبير وبيعرفوهم مراسم الحج
    حفلة مولدالنبى
    حفلة راس السنةالهجرية
    حفلة عيدالام
    يتم فصل الاولاد عنالبنات فى الفصول من اولى ابتدائى
    من عيوب المدرسةالمبانى مش جديدة بس مش وحشة معقولة
    مساحة المدرسة مشكبيرة قوى بس فى ملاعب وحمام سباحة صغير بس زىقلته
    الباصات عادية مشمكيفة


  10. #80
    rody786 غير متواجد عضو نشيط
    تاريخ التسجيل
    Mar 2008
    الردود
    202
    الجنس
    أنثى
    الملكة
    و علوى بيشكروا فيهم برضه قوى بس دول المصاريف فى حدود 5500

    مصاريفها للكي جى 5900 والباص 1750
    سن الدخول 3 ونص في اول اكتوبر
    مكانهافي فيصل بس هى انتيرناشونال

    مدرسة الملكة مش اترناشونال هيا اسمها كدة
    انابنتي فيها من baby class
    و هي دلوقتي في كجي 2 المصاريف 5600 الباص 1800
    فيالكجي مدرسين اجانب بس مستواها بيقولو وحش في البرايمري
    وانا بدور لسا عشانانقلها
    دريم انترناشونال او بيفيرلي هيلز

    الملكة موقعها سئ جدا

    الوادىلغات
    المجزر الألى مريوطيه بعد حفر الباطن علطول
    - 3841792
    2250 لبرى 4 + الباص 1600 + اليونيفورم 300

    وايزنيس
    wiseness وحشة جدا سمعت عنها كلام كتير مش كويس منجيرانى وحيحولوا لأولادهم منها
    مدرسة جنينيس و وايزنز فاشلين هما كمان و دة بشهادة ناس كثير اعرفهم

    و بكده اكون خلصت المدارس اللي عندي و انا اسفة اذا كان الكلام مش مترتب بس انا كنت مجمعاه ليا و ما اهتمتش بالترتيب لكن لما لقيت حيرة الناس قلت انزله للكل و ما عنديش وقت للاسف علشان انظمه

    و باقي شئ هو ان كلام كتير عن مدارس فيصل و الهرم في الجزء العاشر و ده اللينك بتاعه
    http://www.lakii.com.sa/vb/showthrea...568725&page=17

    و يا رب الاقي المشاركة من الناس سواء بتبحث عن مدرسة او تجارب الامهات و منهم مسلم و دينا و عبير و ايه 5 و ام جوري و ياسمين10 و غيرهم


مواضيع مشابهه

  1. الردود: 1130
    اخر موضوع: 03-08-2013, 05:57 AM
  2. ما رأيكم بالمدارس الحكومية والمدارس الأهلية الخاصة ...مهم
    بواسطة ام محمدالفاتح في المجلس العام
    الردود: 9
    اخر موضوع: 29-01-2009, 08:16 AM
  3. الردود: 1
    اخر موضوع: 13-10-2007, 11:10 PM
  4. بعض الاستفسارات عن الحاسب
    بواسطة &&أميرة الورد&& في ركن الكمبيوتر والإنترنت والتجارب
    الردود: 4
    اخر موضوع: 22-05-2006, 04:36 PM

الكلمات الاستدلالية لهذا الموضوع

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97