انا اسفة لاني مش من الشروق بس اعرف انها خلف كمباوند مصر ايطاليا اللي علي طرريق السويس

مدارس بريش كولومبيا الكنديه الدوليه
الشروق الحى الخامس قطعه 34 مدينه الشروق
26880901 - 26880900 - 26880904 - 26880903 - 26880902

حضانه ديزنى جاردن
الشروق المجاوره الثانيه د الحى الثانى مدينه الشروق
26872118 - 26872117

مدرسة الشروق التجريبية لغات
الشروق الحى الثانى
26870908

بس معرفش مستواها ايه انا لاقيتها في الدليل وانا بدور علي بريتش كولومبيا

في مدرسة برضه اسمها البردي علي طريق مصر اسماعيلية ممكن تسالي عنها قريبة من الطلائع
وربنا يوفقك

كتبت بواسطة Jasy

يا جماعة ازيكم عاملين ايه انا عملت سكان لدليل الام والطفل عن الحضانات يارب يفيدكم :
اولا منطقة الدقى و العجوزة و المهندسين: دى لينكات

http://rapidshare.com/files/227447303/DOC008.jpg.html

http://rapidshare.com/files/227447304/DOC009.jpg.html

http://rapidshare.com/files/227447305/DOC010.jpg.html

http://rapidshare.com/files/227447306/DOC011.jpg.html

http://rapidshare.com/files/227447307/DOC012.jpg.html

http://rapidshare.com/files/227447308/DOC013.jpg.html

http://rapidshare.com/files/227447309/DOC014.jpg.html

http://rapidshare.com/files/227447310/DOC015.jpg.html

http://rapidshare.com/files/227447311/DOC016.jpg.html

http://rapidshare.com/files/227447312/DOC017.jpg.html

الله يخاليكي يا jase

انا مش عارفة افتح اللينكات دي
اعملها ازاى
انا محتاجاها ضروري
لانى ساكنة في منطقة الجيزة وفيصل ووممكن تنفعنى
ارجوكى دلينى
وجزاك الله خيرا

كتبت بواسطة سمسما

الله يخاليكي يا jase

انا مش عارفة افتح اللينكات دي
اعملها ازاى
انا محتاجاها ضروري
لانى ساكنة في منطقة الجيزة وفيصل ووممكن تنفعنى
ارجوكى دلينى
وجزاك الله خيرا

اهلا سمسما ..انتي تفتحي اللينك وهيظهر عندك خيارين تختاري free user
وبعدين تعملي داون لوود

كتبت بواسطة kouky5

اهلا بيكي ...وشكرا علي تشجيعك
انا اسفة معرفش حضانات في سوهاج بس ان شاء الله البنات يفيدوكي

بارك الله فيكى على اهتمامك

بمناسبة الحضانات يا جماعة انا رحت اتفرجت علي حضانة بارني هي خلف كنتاكي عباس العقاد..مدينة نصر..قريبة قوي من شغلي انا شفتها و دخلتها و شفت الولاد و شفت المشرفين و دخلت المطبخ و التواليت و شيفاها نظيفة بصراحة و هي ب500 في الشهر بالوجبات 3 وجبات ...و 300 نصف شهر و 30 جنيه في اليوم لو استضافة...و الي عجبني ان عدد الأولاد الي في سن ابني عبد الرحمن (سنتين و نصف) كان عددهم في الكلاس مبيزدش عن 9 ..و الكلاس نفسه كبيير و فيه شباك كبير دخله هواء و شمس
انا متفرجتش علي حضانات تانية...انزل بقي اتفرج علي حضانات تانية و اقارن و لا اتكل علي الله و اجرب مع الولد كده كام يوم و اشوف؟؟ و بعدين انا كنت افضل اني ابقي مع الولد كده في اللأول في الحضانة و شوية شوية اسيبة عشان ميتخضش و يحس اني سبته مرة واحدة..و المشرفة بتقولي يفضل انك تتطمني عليه من بعيد و هو ميشوفكيش عشان مايشبطش فيكي و يعيط...مش عارفة ايه الصح؟؟؟
و كمان انا عايزاكو تساعدوني و تقولولي ايه التجهيزات الي اعملها لعبد الرحمن قبل ما يروح الحضانة ..يعني الشنطة بتاعتكو احط فيها مثلا اكل زيادة ...و غيارات داخلية و بمبرز احتياطي...و طقم تاني و لا الحكات دي كتيير؟؟ و مثلا ممكن اديلة بسكويت و حجات اضافية و لا لأ؟... الولد مثر بيحب لعب معينة اديهالة في الحضانة ولا مينفعش...؟؟؟معلش ازعجتكو بالأسئلة الكتير؟؟؟و مستنية مساعدتكو
و عايزة اعرف برده ان كان حد اتعامل او عرف حضانة بارني دي كويسة و لا لأ في تعاملاتها...اصلي اول مرة اروح حضانة اطفال و مش عارفة ايه هي المقاييس الي الواحد يحدد عليها ان كانت كويسة و لا لأ؟؟؟؟

اهلا بيكي اميرة...انا معرفش حضانة بارني بس لو انتي ارتحتي ليها توكلي علي الله بس لو تعرفي تسالي امهات يكون ولادهم هناك يكون افضل
كل حضانة ولها نظامها في حضانات بترفض اكل خارجي مع الطفل علشان ماياثرش علي باقي الاطفال وفي حضانات بتقبل عادي لازم تساليهم
بس الحاجات الضرورية بامبرز لاززززززززززم وطقم تاني وغيارات تحسبا لاي ظرف طاريء
وفوطة صغيرة تكون خاصة بيه هوه ...لو له اكل خاص به ممكن تستاذني الحضانة وتشوفي رايهم ايه اذا حبيبتي تبعتيه
وبرضه اساليهم ايه الحاجات اللي محتاجينها كمان ممكن يطلبو مناديل او وايب
بالنسبة للبقاء مع الطفل اعتقد انك لازم تروحي معاه اول يوم لو لاقيتي الامور ماشية كويس واطمنتي امشي وسبيه وارجعيلو بعد شوية واليوم اللي بعده نفس الحكاية بس اتاخري شوية لغاية ماتحسي انه اندمج تماما سيبه لغاية معاد المرواح
وابقي طمنينا عن اخبار الحضانة وقولنا عملتي ايه

kouky5 متشكرة قوي علي نصائحك...انا هتكل علي الله و ابتدي مع عبد الرحمن و هاخد اجازة من الشغل و اتفرغ يومين للموضوع ده...و هعمل زي ما انت قولتي كده هسيبة شوية شوية و اشوف كده هيندمج مع الأطفال الثانية و لا لأ...مع اني خايفة قوي من التجربة دي...و خايفة افشل فيها...و الولد يعيط و ميرداش يسيبني..بس ربنا معايا ان شاء الله و هقولك علي الأخبار

كتبت بواسطة amira_mohamed

kouky5 متشكرة قوي علي نصائحك...انا هتكل علي الله و ابتدي مع عبد الرحمن و هاخد اجازة من الشغل و اتفرغ يومين للموضوع ده...و هعمل زي ما انت قولتي كده هسيبة شوية شوية و اشوف كده هيندمج مع الأطفال الثانية و لا لأ...مع اني خايفة قوي من التجربة دي...و خايفة افشل فيها...و الولد يعيط و ميرداش يسيبني..بس ربنا معايا ان شاء الله و هقولك علي الأخبار

العفو حبيبتي علي ايه انا تحت امرك ...ومنتظريين اخبارك
ربنا يوفقك وتوكلي علي الله وان شاء الله الامور تبقي كويسة

يا ريت يا جماعه اللى يعرف حضانه كويسه فى المعادى يقولى عليها انا ابنى سنتين وعشر شهور ومحتاج حضانه ضرورى لانى هولد بعد شهرين وخايفه عليه من الغيره والاكتئاب والف شكر ليكم.(فى حد يسمع عن حضانه فى المعادى اسمها CLC(creative learning centre) كويسه ولا وحشه؟