كتبت بواسطة
اطوار
شكرا على المجهود الرائع حابه اعرف هل مدرسه الطلائع الاسلاميه عربي ام لغات والمصاريف اد ايه وهل مدرسه القوميه الي بالعجوزه كويسه وايهم افضل مع الشكر
كتبت بواسطة mas20001 
أرخص المدارس للى سمعت عنها وهى جيدة ليست سيئة ومصاريفها حوالى 2500
1- منطقة المعادى وحلوان
==============
مدرسة الفردوس عربى ولغات على كورنيش المعادى
سانت مارى يحلوان لغات بنات راهبات
العائلة المقدسة مدرسة للبنين وأخرى للبنات حلون لغات
الأورمان الخاصة مختلط بالمعادىلغات
كلية فيكتوريا مختلط بالمعادى لغات
الشمس المشرقة عربى ولكنها بتدرس ألمانى وفرنسى
مع الأنجليش لكن الرياضة والعلوم بالعربى بتاعة كامليا العربى
معهد الوفأ الأزهرى بحلوان 25551206
2- منطقة الهرم وفيصل
=============
دار الحنان لغات مشترك أبتدائى وبتفصل فى أعدادى
محرم الأسلامية
أسمأ فهمى التحريبية
مدرسة قرطبة الأسلامية عربى مع دراسة أنجليش 37413224
معهد قرطبة الأزهرى عربى ولغات وهو ممتاز
مدرسة براعم مصر للغات قبل المريوطية شمال الهرم ( وهو غير مصر للغات )
مدرسة سانت كاترين 323502040
مدرسة بيبى جاردن شارع الوفأ والأمل
مدرسة المعرفة التجريبية أخر فيصل 33848986
السلام عليكم
ياجماعة ارجوكم من يدلى برايه فى مدرسة يكون عن تجربة شخصية وليس عن مجرد سمع السيدة العزيزة ماس جزاها الله خيرا عن دون قصد طبعا قالت ان معهد ومدرسة قرطبة ممتاز وقد جانبها الصواب تماما فهو ابعد ما يكون عن اى شىء انا شفت المر منه ومن ادارته الحمقاء وبالذات فى المدرسة العربى وايضا اصحابى فى الازهرى لهم نفس الشكوى فاصحاب المدرسة غير تربويين ومعاملتهم للتلاميذ كانك فى ورشة نجار او ميكانيكى واصحاب المدرسة نفسهم اللى بيضربوا الاطفال بالشلوت والاقلام على وجههم ويقول اقلع الجزمة واعبطك المدرس يعطوه ملاليم ويقوله انت حتدى دروس قد كده وفى الصيف اجباري انك تدفع مصاريف الكورس الصيفى بحجة تقوية الطالب طيب من ايه اذا كان تربيتك من كام سنة وبعدين مفيش اى حافز للطلاب المتفوقين عارفين بيدوهم جايزة ايه والله قلم رصاص واستيكة ولما يفكوا الكيس تكون مقلمة فاضية والسنة دى يادوب قالوا اسمائهم فى الطابور وخلاص عمرهم معملوا حفلة اخر السنة ده حلم للعيال بحجة مش بنحب الحفلات وفى اول السنة الدراسية بيعملوا حفلة على الواقف فى الحوش يجيبوا عروسة مابيت تتنطط وسط اطفال كجى ويغنوا لننانسى عجرم فى الكاسيت ده حتى مفيش علم يحيوه حطيبن علم مقطع وقذر بدون الوان حتى تظن انه مجرد قطعة قماشة سوداء
الحمد لله نقلت ولادى السنة دى بعد معاناة وقرف وقلة ادب وقلة قيمة وعارفين لما تعترضى على اسلوب غلط يقولك احنا كده واذا كان مش عجبك امشى ويجى بدالك مائة ولكن ربك بالمرصاد المدرسة تحت التحقيق المالى والادارى والتربوى وعندها مخالفات بلكوم وشكاوى اولياء الامور زى الرز فى مكتب الوزير والادارة التعليمية
وربنا يديهم من جنس عملهم احبطوا الاولاد ويكسروا نفسهم ويهنوهم. اخر اهمالهم طالب فى اعدادى كان بيلعب كورة بعد المدرسة مع المدرب فى تدريب الكورة خبطت عينه وبدل المدرب مايخده المستشفى كمل التدريب معاه ويحرام الولد جاله خدش فى القرنية نتيجة الاهمال وعدم سرعة العلاج صحيح المدرسة فيها قلة من المدرسين الكويسين لكن كل سنة بيطفش منهم لسوء المعاملة وسوء سلوك الادارة انا الترم الاول اتغير لولادى 4 مدرسين
اسفة للاطالة بس انا موجوعة من المدرسة ومن اصحابها ومن عمايلهم فى الطلاب رغم ان اولادى من الاوائل مش عارفة الباقى بيعملوا فيهم ايه والحمد لله انا نقلت من المدرسة وكل الناس الايجابية الذين لا يسمحوا باهانة اولادهم نقلوا كمان يعنى حوالى 150 طالب خلال العشر ايام دول حتى فى الادارة التعليميةكانوا بيضحكوا عى عددنا اليومى وبيقولو كل المدارس الهرم فى الصف ده ومدرسة قرطبة فى الصف التانى
والله والله والله ما اقول حقيقة وليس تجنى على احد وقول هذا للاستفادة حتى لا يخطىء احد وترشح المدرسة لاحد وهو لا يعلم والله على ما اقول شهيد
تحياتى
ملاحظة قرات ان السيدة نهى 2000 اشتركت بقرطبة الازهرى ليتها تقرا كلماتى قبل ان تندم فالاطفال فى كجى يخوفوهم بغرفة الفئران والغرفة الضلمة فضلت سنة اعالج بنتى من الخوف والرعب وحسب الله ونعم الوكيل
رد مع الاستدلال
الروابط المفضلة