عندك حق يا بنت مصر منارة الايمان بعيدة جدا عن الموضوع
وفعلا المدارس اللى سعرها قليل بتكون وحشة والمستوى مش كويس
بس على فكرة بقى حتى المدارس المتوسطة والاقل من المتوسط فى الفلوس بردة
بيكون التعليم متوسط
انا مدرسة ابنى كانوا ممتازين جدا جدا فى الترم الاول لكن فى الترم التانى وحشة جداجدا
الولد تقريبا ما حفظش اى كلمات جديدة او حتى الحروف بيلغبط فيها
دة مستوى النصر اللى كنت بتنك عليها احسن بكتير جدا
كثافة الفصول هى هى سالت واحدة من اولياء الامور عن العدد فى الفصل قالت لى فى حدود
30 واللة الواحد ما عارف يعمل اية انقلة تجريبى وبفرق الفلوس ادخلة كورسات يوسى ماس وانجلش
والا اخلية السنة الجاية دى كمان واشوف انا واللة اخر حيرة

اسمحولي اقولكم رايي المتواضع في الموضوع ده:
المدارس الرخيصه نوعان الاول رخيصه ووحشه تعليميا
والثانيه رخيصه بس المستوى متميز
يعني في مصر الجديده زي ما قلتوا من المدارس المتميزه: الفاروق يليها السيده عائشه ثم كليوباترا ثم طلائع الكمال مشكلتهم ايه السن زى بردو مناره القاهره مدينه نصر
اما مدارس الراهبات فدي سعرها معقول برده وتعليميا كويسه بس انتوا عارفين ليه تبقى الاختيار الاخير..........
يعني نضيع من سنه لسنتين على اولادنا علشان يدخلوا مدارس زي دي
لذا انا هشتري لبنتي )زى مابيقولوا( سنه ولا اثنين علشان السنه ماتضعش عليها

عندك حق يا بنت مصر كده يبقى منارة الايمان مش هى الهدف من الموضوع
شكرا للتوضيح يا حبيبتى

زقزوقه كلامك صحيح بسكمان تعرفى فى مدارس غاليه و برضه سيئه يعنى بترمى الفلوس و خلاص

ام مغرم انا رايى خليكى سنه كمان و شوفى علشان تتاكدى و بلاش التجريبى انا عن نفسى مش عايزاه خالص و ربنا يوفقنا يا رب

Ms3sam ايوة فعلا المشكله فى السن و دى برضه شىء يضايق جدا لان ممكن تفرق على شهور بسيطه جدا و السنه تضيع على الطفل انا ابنى حيكون اول اكتوبر باذن الله 4 سنين و 3 شهور و خايفه مايتقبلش و الى الان لسه احنا فى لسعودية و حننزل مصر اول يونيو ان شاء الله و الله خايفه من ضيق الوقت امامى و قلة الفرص المتاحة

فى مدرسة منارة القاهرة بمدينة نصر وبها قسم عربى وقسم للغات ومصاريف اللغات حوالى 3500 والناس بتشكر فيها بس بتاخذ سن كبير فى الكجى

وعليكم السلام ورحمة الله وبركاته

بالتوفيق ياااارب ..

كتبت بواسطة arabianhourse

فى مدرسة منارة القاهرة بمدينة نصر وبها قسم عربى وقسم للغات ومصاريف اللغات حوالى 3500 والناس بتشكر فيها بس بتاخذ سن كبير فى الكجى

شكرا لك و الله بس تعرفى مكانها بالظبط ؟؟
GalB o5taha شكرا اختى جزاك الله خيرا

منارة القاهرة فى شارع اسمة الفريق على عامر متفرع من عباس العقاد

واللة يا جماعة المدارس فعلا اسعارها نار لكن واحدة جارتى قلتلى على سانت فاتيما وهى مش راهبات سانت فاتيما الحجاز وبتشكر فيها ومصاريفها 3000 جنية واللة انا هروح اشوفها وربنا يسهل

فعلا المدارس بقت غاليه نار والواحد لو عنده اكتر من طفل يبقى ربنا يتولاهم برحمته والحمد لله على الستر انا فى واحده بتقولى على مدرسه ازهريه للفتيات عند اندريا على كورنيش المعادى انا لسه هتصل بالدليل واحاول اعرف اكتر عنها بس هى مستوى رفيع وبتقول انها مدعمه ماديا من الازهر باذن الله لما اعرف عنها حاجه هقولكم

كتبت بواسطة possy26

واللة يا جماعة المدارس فعلا اسعارها نار لكن واحدة جارتى قلتلى على سانت فاتيما وهى مش راهبات سانت فاتيما الحجاز وبتشكر فيها ومصاريفها 3000 جنية واللة انا هروح اشوفها وربنا يسهل

طبعا سانت فاتيما من المدارس المعروفه علميا و اصحاب اختي من هندسة كانوا في سانت فاتيما بصراحة مستواهم ممتاز في الانجليش و علميا كمانزبس انا ساكنه في الهرم