[CENTER]ما هو تعريفك للقيم؟
[CENTER]اظن كلمه القيم جمع قيمه و القيمة بحياتنا هي كل شي مهم و ثمين و ما بعرف ممكن هلا احكي كلام مش مزبوط و ملخبط بس هاد الي فكرت في لما قرات سؤالك عن تعريف القيم انا بظن انو القيم هي مورثات ورثها اجدادنا لابائنا و من ابائنا لنا و هاي المورثات تندرج تحتها العادات و التقاليد و الدين و حتى قيم من ايام الجاهليه يعني كل شخص بيعمل الو قيم معينه بمشي عليها بحياته منها الصح و منها الغلط
بس بالنسبة اله هاي القيم صحيحه هلا دخلنا بالفلسفة صح
ههههههههههههههه
ممكن يكون كلامي مش مفهوم كتير بس انا شايفه انو مجتمعنا العربي ماخد قيمه من الدين الاسلامي بشكل رئيسي و كل مجتمع عربي او بلد الو قيم خاصه فيه تاثر فيها بسبب الاستعمار او دخول الجنسيات المختلفه بالبلد الواحد
يعني مع تغير الزمن بتتغير قيم هاي البلد
وما هي قيمك في الحياة؟
از ا بدي احكي عن حالي انا القيم الي بعرفها
انو في عيب و ما بصير يعني هدول الكلمتين انا تربيت عليهم انو عيب البنت تلعب كرة بالحارة
و ما بصير ما تلبسي حجاب و انتي صرت كبيرة يعني مش انو يفهموني انو حرام او حلال
و ما بنكر انو اهلي كانوا متاثرين بالعادات اكتر من الدين بامور كتيرة فمع الوقت القيم الي اكتسبتها هي عادات و تقاليد مش قيم اسلاميه بس الواحد مع الحياة و نضجه الفكري بصير يميز بين الاشياء و بيعرف الشي الي بدو اياه /CENTER]
[CENTER]وهل تظنين ان هذه القيم صحيحة؟
انا جاوبت انو قيم اهلي مش بالضرورة مستمدة من الدين بس ما بنكر
انو تعليمهم النا اشياء كتيرة ساعدتنا بحياتنا
انا مع ابني بتمنى انو اعرف اولا محاضرتك الجاي شو راح تكون
حتى اعرف كيف انمي القيم الصحيحه بحياته و بحياتي
ممكن يكون اجوبتي مش مقنعه او مش مترابطه بس انا هيك
فكرت بالموضوع و جد انا صحيت من النوم حتى اجاوب ع الاسئلة
لاني اول ما قرات محاضرتك ما عرفت شو يعني كلمة قيم انا بسمعها كتير بس ما بفكر بمعناها هلا و انا نايمه خطر ببالي هاد الجواب و ما حبيت اروح اكمل نوم بدون ما اجاوب اتمنى اكون هالمرة فاهمة المطلوب
كتبت بواسطة أ.خلود الغفري
الروابط المفضلة