السلام عليكم ورحمة الله وبركاته

ازيكم حبيباتى فى الله
حصل معايا موقف وعاوزة استشيركم فيه عندى فى المعهد أستاذ هو بيعطينى فى الفصل أدب ونصوص فاحنا عندنا فى اولى ثانوى قصيدة فى الغزل لأبو صخر الهذلى يصف حبيبته ليلى العامرية الأستاذ أول ما دخل كتب فى أعلى السبورة (( ملحوظة مهمة للعلم لا للعمل)) يعنى مفيش حد يجرب وبعدين بدأ يشرح ففى بيت فى القصيدة بيقول :
تكاد يدى تندى إذا ما لمستها وينبت فى أطرافها الورق الخضر
فالأستاذ شرحه بطريقة مش حلوة وعذرا هقول اللفظ (( البنت أول ما ايديها تتلمس)) بالله عليكم مين اللى هيلمس ايديها ويحصل ليها كده غير حبيبها عذرا فى القول وأنا واتنين من أصحابى قعدنا نتكلم مع بعض عشان مش عاوزين نسمع الكلام ومش اتنين هما اللى هيعترضوا والفصل كله راضى وكمان عاجبهم الموضوع ومبسوطين فالأستاذ بص ليا وقالى يعنى انتى معترضة على الحصة ولا على الأستاذ فسكت هقوله ايه يعنى وبعدين صحبتى كانت بتكلمينى وأنا بسمعها فقالى أنا وهى اطلعوا بره فطلعت عادى خالص وكنت فرحانة اللى أنا خلصت من الحصة والأستاذ كان واخد الموضوع ضحك وعادى وبعد الحصة قال لبنات الفصل أنا مش داخل الفصل تانى إلا لما تنزلوا أسماء البنتين لمدير المعهد فأنا وصحبتى نزلنا بنفسنا وأنا اشتكيت للمدير وقولت له على كل اللى حصل وهو كان مستنكر فعل الأستاذ جداااا فالأستاذ ده كان عندنا فى الحصة الأخيرة فجاء زعلان ويقول: بنات قالت عليا اللى أنا بقول كلام إباحى وخارج عن حدود الأدب وأنا طبعا مقولتش كده بالظبط فصحبتى قامت فى الفصل وكلمته فقال لازم البنات دول يعتذروا ليا ومشى وهو زعلان فأنا ناديت عليه ورحت كلمته واعتذرت له على اللى أنا كنت بتكلم فى الحصة واللى أنا روحت كلمت المدير ومتكلمتش معاه الأول مع العلم اللى هو مسبش فرصة اللى أنا أكلمه بس ضغطت على نفسى وقلت اعتذر له من باب اللى هو مدرسى وأكبر منى فى السن وقولت له على الكلمة اللى هو قالها وأنا معترضة عليها قعد يقول ده نص كتاب المدرسة وأنا هقولكم نص الكتاب وانتو احكموا (( يقول الشاعر إن يده تكاد تبتل بالماء إذا ما لمستها للينها ونضارتها بل يكاد الورق الأخضر ينبت فى أطراف يديه )) بالله عليكم ده فى كلام عيب ولا كلام الأستاذ هو اللى فيه عيب وبعدين قالى أنا مش داخل الفصل إلا لما اعتذر له أمام الفصل زى ما اهنت كرامته فأنا استشرت أستاذ أنا بثق فى كلامه ورأيه فقال لى متعتذريش له لأن انتى مش غلطانة وانتى على حق وسيبه يعمل اللى هو عاوزه وأنا مقدرش أصلا اعتذر له أمام الفصل بس المشكلة البنات بيلمونى ويقولو ليا طيب انتى بتأخدى درس فى غيرك مبيأخدش لأن الأستاذ ده أحسن واحد فى المعهد فى الشرح

فأنا مش عارفة هل موقفى اللى أنا عملته صح؟؟؟؟؟؟؟؟؟؟؟

وهل أنا غلطانة عشان اعتذر له أمام الفصل؟؟؟؟؟؟؟؟؟؟؟؟؟

عذرااااااا طولت عليكم بس عشان اقولكم المشكلة كاملة وانتو تحكموا
أنا منتظرة تعليقاتكم ومشورتكم

أهلا غاليتي
أنا برأيي ما تعتذري لانه خلص اعتذرتي عن الكلام في الحصة وخلص
لازم هو يلي يعتذر منكم على قلة أدبه وشي تاني في مدير لو هو ما رضي يعطي درس في مدير بتقدري تشتكوه اله
ولا تخافي مادامك على حق

وعليكم السلام ورحمتة وبركاته

غاليتى واضح من لهجتكِ أنكِ مصرية مثلى أيضاً
وما فهمته من مصطلحاتكِ معهد وهكذا ,, أنتِ أزهرية أيضاً ؟
من رأيى إنكِ لستِ مخطئة بأى شئ بل على العكس ما فعلتيه هو الحق بعينه
وإن لم يعجب باقى الفصل فهو أمر محزن بالفعل , أحسنتِ حينما توجهتِ إلى مكتب المدير اولاً
وشرحتِ ما حصل ,, لا تعتذرى منه وإياكِ فليذهب سامحه الله
كلمات بقا البنات بتخدى درس ومش عارفة ايه ,, لا تتأثرى بهن البته
أنا كنت فى المرحلة الإعدادية يدرس لى فى الفصل أستاذ مشابه للغة العربية
لكن الحمد لله ما كان عندنا فى المنهج من كلام الغزل والحب ما يوجد بالأزهر الشريف
المهم هذا الإستاذ لم يكن يتطاول بالكلام فقط بل باليد ويضع يديه على جميع الطالبات بشكل غير لآئق بالمرة
ولكن الحقيقة البنت هى التى تستطيع أن توقفه عند حده أو تشجعه دا غير إن الحصة كلها ضحك وهزار ,, هذا المدرس ما كان يشرح أى شئ مفيد بالحصة
والغريب العجيب المريب إن كل الفصل تقريباً عدا عدد قليل يأخذ عنده درس خصوصى أفهمينى الفكرة إنتِ =((

غاليتى البنات هذه الأيام إلا ما رحم ربى يحبون الهرج والمرج والضحك والفرفشة فى الحصة ولا يهتمون بالشرح
قدر إهتمامهم باللى بيشرح ,, لذلك كونى فخورة ولا تلقى لهم بآل ودعيهم يفعلون ما يحلوا لهم
إنتِ الصح وهن على خطأ وسيفهمون ذلك لاحقاً : )

وبالتوفيق حبيبتى .. ()**