تجربتي مع حماتي ام زوجي(مسابقة تجربتي في كسب ودها)
رح احكي قصتي مع حماتي من البدايه وكيف اقدرت اكسب ودها
البدايه كانت لما اجت خطبتني وبعد ما شافتني لابنها وتم عقد القران ولما جينا نعمل حفله ما رضيت تشتريلي فستان للحفله وقتها طلبت من ابوي انو يشتريلي فستان للحفله طبعا ابوي وقتها زعل وادايق بس حكا مو مشكله بشتري الفستان وتمت الحفله والزواج وطبعا يوم الزواج لا عملت اكل للعرس لاهلي ولا حتى وزعت عير او مي او حتى شقفة حلو يعني العرس كان ناشف واهلي كانو كتير عاقلين وما حكو شي ومشو العرس لانو ما بدهم بنتهم ينكتب عليها طلاق المهم تزوجت والحمد لله زوجي طلع منيح معي وبلشت صراعات الحماي والكنه انا كنت ساكنه ببيت لحالي وبعيد نوعا ما عن بيت دار حماي وكنت ساكنه منطقه جديده علي ما اعرف فيها شي فكنت لما بدي ازورهم استنى زوجي لحتى يروح من شغلو وياخدني عندهم وانا بصراحه ما كنت احب اروح عندهم من اللي شفتو وقت الخطبه والعرس الا ازا كان معي زوجي كانت حماتي ما يعجبها هالشي وكنت لاروح عندهم تسمعني حكي انو ليش ما باجي لحالي ولازم ازورهم باستمرار واخد شي معي هديه وكانت بدها كل ما نروح مزورها نعطيها فلوس او ناخدلها هديه الها ولبناتها وبصراحه وقتها كان وضع زوجي بهديك الفترة ما بيسمح انو كل ما نزورها نعطيها فلوس لانو كان عنا بيت اجار ومعاشو يدوب فانا لما كانت تحكي وتسمعني حكي على القصه اطنشها واعمل نفسي مش سامعه كنا طبعا ليسير عندها مناسبه ناخدلها هديه بس هي ما كانت تعجبها الهدايا اللي بناخدها لانها بدها من اغلى الاشياء وكانت مرات لما ما تعجبها الهديه ترجعها وتحكيلنا هاي رخيصه بدي اغلى وكانت مرات لازورها تمسك شنتطي وتفتحا وتحكيلي بدي اشوفك غنيه ولا فقيرة وانا استحي ارد عليها او حتى اخد الشنته من يدها وكنا لما نروح عندهم مثلا معزومين على الغدا وتكون طابخه وبناتها يكونو موجودين اتحط الاكل قدام الكل الا قدامي وازا كان موجود قدامي تشيلو من قدامي بحجة انها مش منتبهه هالشي طبعا اثر بنفسيتي وصرت اختصرها قد ما بقدر وكان الي سلفه متزوجه قبلي كانت كل ما اروح عندهم تحكيلي على سلفتي وعلى سلفي انو مش مناح وانهم ما بقدرو ومن هالحكي وعملت حاجز بيني وبين دار سلفي وفي يوم من الايام وانا زايرة عندهم واولادي كانو صغار وقتها اعمارهم 4 سنين و3 سنين وكنت عندهم من الصبح للمغرب وصار ميعاد الغدا ابني لكبير اللي عمرو 4 سنين كان رايح جاي بحكيلي ماما انا جوعان وكنت جالسه بجنب حماتي وانا بطبعب كنت استحي احكي اي شي او حتى اقوم على المطبخ اعمل ساندويش فكنت كل ما يجي يحكيلي ابني انو جوعان اسكتو واحكيلو هلا تاتا بتعمل غدا وضل هيك يمكن اكتر من 3 ساعات وهو يحكيلي ماما جوعان وحماتي سامعه ومطنشه بعد فترة حماتي قامت على المطبخ انا قلت خير هيها قامت تحط الغدا وتنادي اولادي بس غابت فترة وما نادت وانا مستحيه اروح اشوفها شو بتعمل فابني ساعتها بحكيلي ماما عطشان فقمت لحتى اجيبلو كاسة ماء بصراحه هون كانت المفاجئه والصدمه الي دخلت المطبخ لقيتها حاطه الاكل وعم تاكل لحالها تخيلو الموقف انتو ابني اللي هو حفيدها واللي اسمو على اسم جوزها اللي هو حماي وكان حفيدها الو اكتر من 3 ساعات بحكي جوعان ما حكتلي حتى قومي اعمليلو ساندويش اتفاجا فيها انها عامله اكل وعم تاكل لحالها بصراحه انا هون ما عرفت شو احكي او كيف اتصرف ما لقيت حالي الا انا مناديه على زوجي وحكيتلو القصه وحكيتلو ابنو جوعان طلبت منو فلوس لحتى انزل على السوق واشتري اكل جاهز لحتى اطعمي اولادي وفعلا هادا اللي صار رحت اشتريت اكل جاهز وطعميت اولادي ورجعت عندهم وحماتي ولا كانو صار شي للاسف حماتي كانت من النوعيه القويه وما بهمها حد وبتحب نفسها جدا وبتغار وبتحب الفلوس مرات وانا قاعده عندهم كانت تحكيلي انو انا اخدت ابنها منها وانو لازم اشتغل عندها بلقمتي طبعا مرات كنت اجاوبها ومرات اطنش المهم مرت الايام والسنين وهي كل يوم الها حكايه معي ومع اولادي وزوجي كان مرات زوجي بدو يجاوبها او يعاملها بالمثل وانا احكيلو لا ما منقدر نعاملها متل ما هي بتعاملنا لانها بضل امك وفي يوم الايام حماتي انصابت بالجلطه على الدماغ اول ما انصابت بالجلطه صارت متل اللي معاها زهايمر صارت تطلع تمشي بالشارع بدون هدف انا وقتها كنت اشتغل بروضه قريبه جنب البيت وكنت جايبه بنتي رقم 4 وعمرها 4 اشهر وكنت اخد بنتي معي احطها بالحضانه المهم لما حماتي انجلطت صارت تيجي عندي على الروضه وتحكيلي على بناتها انا عندي 3 بنات حما وحدة متزوجه و2 لا مش متزوجات بالبيت كانت لما تيجي عندي على الروضع تكون جاي بقميص النوم وتيجي تشكيلي عن بناتها انو بنتها سرقتها او مش راضيه تعمللها غدا وانا بصراحه كنت انحرج كتير ما اعرف كيف بدي اتصرف بالروضه احراج الي قدام المديرة والمعلمات يشوفو هالمنظر او حتى يسمعو كلامها كنت لما تيجي عندها اطلب الاذن من المديرة علشان اخدها اروحها على بيتها واحكي لبناتها اللي عندها انو امكم جاي على الروضه وهي بقميص النوم عندي انو امسكوها ما تخلوها تطلع برا
لما ااوصلها على البيت كانت وحدة من بنت حماي تحكي انا ما دخلني والتانيه تمسكها شوي وتتركها قال شو ما بتقدر عليها
كانو مرات الجيران لما يشفوها طلعت برا البيت كانو يجو يحكولي وانا اترك اللي بايدي واروح اركض وراها مع انو بنتي وقتها كانت صغيرة وبحاجه لرعايه بس والله كنت اتركها بلبيت وانا اطلع اركض ورا حماتي واحكي الناس شو بدها تحكي علينا ليشوفوها طالعه بهالشكل كانت تيجي عندي على البيت وتطلب مني اعمملها غدا لانو بناتها ما كانو سائلين فيها وهي كان لازمها اكل معين والله كنت اطبخلها قبل اولادي وجوزي واحطلها اغديها وازا بدها شي كنت اعمملها اياه وكل هادا وبناتها كانو مش سائلين فيها ولا حتى سلفاتي والله كان مرات تختي ما اقدر ارتبو ويجي جوزي المغرب من شغلو وانا لسه مش عامله شي بلبيت كان يعصب ويسمع حكي احكيلو مش بايدي لاني طول نهار بركض ورا امك كان يسال ليش همه خواتي وينهم احكيلو مش هاهمهم شي ولا سائلين فيها كان يضل يطلب مني انا كمان ما اسال فيها ويحكيلي همه بناتها مش انتي خليهم يحملو معك شوي احكيلو معلش منتحملها بضل امك كان يتم يسالني انا ليش كل هادا منيحه معها واصلن هي الها بنات بالبيت عندها موجودين والي سلفات ولا حد سائل فيها كنت احكيلو اول شي امك بتم تاني شي انا بعاملها من منطلق مخافة الله لانو الله اعلم لما اكبر يمكن اصبح متلها وما بدي العالم والناس تحكي علي بركي الله بحسنة امك ببعتلي ناس تحن علي وصارت حماتي تحبني كتير ولما بدها شي تبعت اتنديني ولو انها مش صاحيه وكانت مرات تيجي عندي على البيت وتعطيني فلوس وتحكيلي ما افرجي بناتها او تعطيني خاتم دهب من خواتهمها اللي لابستهم بس انا والله ما ارضى اخدهم بعد ما اخدهم منها كنت اروح بناتها احكيلهم خدو هادول الفلوس من امكم اعطتني اياها وكنت برجع كلشي بتعطيني اياه بدون علمهم والله ما طولها شدة بهالفترة رجعت انصابت بكمان جلطه على الدماغ وانصابت هالمرة بشلل نصفي ما قدلات تتحرك ولا تقوم ولا تقعد وحطوها بناتها بمشفى خصوصي للعجزة وصارو من وقت للتاني يزورها بعد فترة 3 اشهر من دخولها من مشفى العجزة ولما حكو الاطباء انو ما الها اي علاج هاي وانا كل الامر بايد الله حكيت لبناتها انو ما في داعي انو امكم اضل بالمشفى خلص نزلوها على البيت حكولي ما منقدر نقوم فيها ونحممها ونغيرلها حكتلهم انتو بناتها تنتين عندها وانا كناينها كل وحدة فينا بتيجي يوم نساعدكم فيها حكولي لا ما بدنا وخليها بالمستفى اريحلنا انا وقتها سكتت وحكتلهم انتو حرين وصرت من وقت للتاني اروح ازورها
وكان قلبي بتقطع عليها كيف انو كانت هاي المراة الحاكمه الجبارة اللي ما في شي بمنعها تنفذ اي شي بخطر على بالها سواء سي منيح او شي عاطل صارت ما تقدر تقوم او تقعد وبدها مين يقيمها ويخدمها وحتى بناتها ما قايمين بواجبها بوصارو بنات حماي يحكو عني انو اما كانو يتوقعو انو انا منيحه لهدرجه وبعد فترة 9 سنوات وحماتي موجودة بالمستشفى انتقلت الى رحمة الله تعالى وهون بدت قصه تانيه من معانتي مع بنات حماي لانهم رجعو متل ما كانت امهم تعمل في من قبل ولسه المعاناه موجودة لهلا وربنا يهدي النفوس ويهدينا امين
هاي جزء من حياتي ومن تجربتي مع حماتي اتمنى انو تستفيدو منها وتكون عبرة لذوي الالباب
البدايه كانت لما اجت خطبتني وبعد ما شافتني لابنها وتم عقد القران ولما جينا نعمل حفله ما رضيت تشتريلي فستان للحفله وقتها طلبت من ابوي انو يشتريلي فستان للحفله طبعا ابوي وقتها زعل وادايق بس حكا مو مشكله بشتري الفستان وتمت الحفله والزواج وطبعا يوم الزواج لا عملت اكل للعرس لاهلي ولا حتى وزعت عير او مي او حتى شقفة حلو يعني العرس كان ناشف واهلي كانو كتير عاقلين وما حكو شي ومشو العرس لانو ما بدهم بنتهم ينكتب عليها طلاق المهم تزوجت والحمد لله زوجي طلع منيح معي وبلشت صراعات الحماي والكنه انا كنت ساكنه ببيت لحالي وبعيد نوعا ما عن بيت دار حماي وكنت ساكنه منطقه جديده علي ما اعرف فيها شي فكنت لما بدي ازورهم استنى زوجي لحتى يروح من شغلو وياخدني عندهم وانا بصراحه ما كنت احب اروح عندهم من اللي شفتو وقت الخطبه والعرس الا ازا كان معي زوجي كانت حماتي ما يعجبها هالشي وكنت لاروح عندهم تسمعني حكي انو ليش ما باجي لحالي ولازم ازورهم باستمرار واخد شي معي هديه وكانت بدها كل ما نروح مزورها نعطيها فلوس او ناخدلها هديه الها ولبناتها وبصراحه وقتها كان وضع زوجي بهديك الفترة ما بيسمح انو كل ما نزورها نعطيها فلوس لانو كان عنا بيت اجار ومعاشو يدوب فانا لما كانت تحكي وتسمعني حكي على القصه اطنشها واعمل نفسي مش سامعه كنا طبعا ليسير عندها مناسبه ناخدلها هديه بس هي ما كانت تعجبها الهدايا اللي بناخدها لانها بدها من اغلى الاشياء وكانت مرات لما ما تعجبها الهديه ترجعها وتحكيلنا هاي رخيصه بدي اغلى وكانت مرات لازورها تمسك شنتطي وتفتحا وتحكيلي بدي اشوفك غنيه ولا فقيرة وانا استحي ارد عليها او حتى اخد الشنته من يدها وكنا لما نروح عندهم مثلا معزومين على الغدا وتكون طابخه وبناتها يكونو موجودين اتحط الاكل قدام الكل الا قدامي وازا كان موجود قدامي تشيلو من قدامي بحجة انها مش منتبهه هالشي طبعا اثر بنفسيتي وصرت اختصرها قد ما بقدر وكان الي سلفه متزوجه قبلي كانت كل ما اروح عندهم تحكيلي على سلفتي وعلى سلفي انو مش مناح وانهم ما بقدرو ومن هالحكي وعملت حاجز بيني وبين دار سلفي وفي يوم من الايام وانا زايرة عندهم واولادي كانو صغار وقتها اعمارهم 4 سنين و3 سنين وكنت عندهم من الصبح للمغرب وصار ميعاد الغدا ابني لكبير اللي عمرو 4 سنين كان رايح جاي بحكيلي ماما انا جوعان وكنت جالسه بجنب حماتي وانا بطبعب كنت استحي احكي اي شي او حتى اقوم على المطبخ اعمل ساندويش فكنت كل ما يجي يحكيلي ابني انو جوعان اسكتو واحكيلو هلا تاتا بتعمل غدا وضل هيك يمكن اكتر من 3 ساعات وهو يحكيلي ماما جوعان وحماتي سامعه ومطنشه بعد فترة حماتي قامت على المطبخ انا قلت خير هيها قامت تحط الغدا وتنادي اولادي بس غابت فترة وما نادت وانا مستحيه اروح اشوفها شو بتعمل فابني ساعتها بحكيلي ماما عطشان فقمت لحتى اجيبلو كاسة ماء بصراحه هون كانت المفاجئه والصدمه الي دخلت المطبخ لقيتها حاطه الاكل وعم تاكل لحالها تخيلو الموقف انتو ابني اللي هو حفيدها واللي اسمو على اسم جوزها اللي هو حماي وكان حفيدها الو اكتر من 3 ساعات بحكي جوعان ما حكتلي حتى قومي اعمليلو ساندويش اتفاجا فيها انها عامله اكل وعم تاكل لحالها بصراحه انا هون ما عرفت شو احكي او كيف اتصرف ما لقيت حالي الا انا مناديه على زوجي وحكيتلو القصه وحكيتلو ابنو جوعان طلبت منو فلوس لحتى انزل على السوق واشتري اكل جاهز لحتى اطعمي اولادي وفعلا هادا اللي صار رحت اشتريت اكل جاهز وطعميت اولادي ورجعت عندهم وحماتي ولا كانو صار شي للاسف حماتي كانت من النوعيه القويه وما بهمها حد وبتحب نفسها جدا وبتغار وبتحب الفلوس مرات وانا قاعده عندهم كانت تحكيلي انو انا اخدت ابنها منها وانو لازم اشتغل عندها بلقمتي طبعا مرات كنت اجاوبها ومرات اطنش المهم مرت الايام والسنين وهي كل يوم الها حكايه معي ومع اولادي وزوجي كان مرات زوجي بدو يجاوبها او يعاملها بالمثل وانا احكيلو لا ما منقدر نعاملها متل ما هي بتعاملنا لانها بضل امك وفي يوم الايام حماتي انصابت بالجلطه على الدماغ اول ما انصابت بالجلطه صارت متل اللي معاها زهايمر صارت تطلع تمشي بالشارع بدون هدف انا وقتها كنت اشتغل بروضه قريبه جنب البيت وكنت جايبه بنتي رقم 4 وعمرها 4 اشهر وكنت اخد بنتي معي احطها بالحضانه المهم لما حماتي انجلطت صارت تيجي عندي على الروضه وتحكيلي على بناتها انا عندي 3 بنات حما وحدة متزوجه و2 لا مش متزوجات بالبيت كانت لما تيجي عندي على الروضع تكون جاي بقميص النوم وتيجي تشكيلي عن بناتها انو بنتها سرقتها او مش راضيه تعمللها غدا وانا بصراحه كنت انحرج كتير ما اعرف كيف بدي اتصرف بالروضه احراج الي قدام المديرة والمعلمات يشوفو هالمنظر او حتى يسمعو كلامها كنت لما تيجي عندها اطلب الاذن من المديرة علشان اخدها اروحها على بيتها واحكي لبناتها اللي عندها انو امكم جاي على الروضه وهي بقميص النوم عندي انو امسكوها ما تخلوها تطلع برا
لما ااوصلها على البيت كانت وحدة من بنت حماي تحكي انا ما دخلني والتانيه تمسكها شوي وتتركها قال شو ما بتقدر عليها
كانو مرات الجيران لما يشفوها طلعت برا البيت كانو يجو يحكولي وانا اترك اللي بايدي واروح اركض وراها مع انو بنتي وقتها كانت صغيرة وبحاجه لرعايه بس والله كنت اتركها بلبيت وانا اطلع اركض ورا حماتي واحكي الناس شو بدها تحكي علينا ليشوفوها طالعه بهالشكل كانت تيجي عندي على البيت وتطلب مني اعمملها غدا لانو بناتها ما كانو سائلين فيها وهي كان لازمها اكل معين والله كنت اطبخلها قبل اولادي وجوزي واحطلها اغديها وازا بدها شي كنت اعمملها اياه وكل هادا وبناتها كانو مش سائلين فيها ولا حتى سلفاتي والله كان مرات تختي ما اقدر ارتبو ويجي جوزي المغرب من شغلو وانا لسه مش عامله شي بلبيت كان يعصب ويسمع حكي احكيلو مش بايدي لاني طول نهار بركض ورا امك كان يسال ليش همه خواتي وينهم احكيلو مش هاهمهم شي ولا سائلين فيها كان يضل يطلب مني انا كمان ما اسال فيها ويحكيلي همه بناتها مش انتي خليهم يحملو معك شوي احكيلو معلش منتحملها بضل امك كان يتم يسالني انا ليش كل هادا منيحه معها واصلن هي الها بنات بالبيت عندها موجودين والي سلفات ولا حد سائل فيها كنت احكيلو اول شي امك بتم تاني شي انا بعاملها من منطلق مخافة الله لانو الله اعلم لما اكبر يمكن اصبح متلها وما بدي العالم والناس تحكي علي بركي الله بحسنة امك ببعتلي ناس تحن علي وصارت حماتي تحبني كتير ولما بدها شي تبعت اتنديني ولو انها مش صاحيه وكانت مرات تيجي عندي على البيت وتعطيني فلوس وتحكيلي ما افرجي بناتها او تعطيني خاتم دهب من خواتهمها اللي لابستهم بس انا والله ما ارضى اخدهم بعد ما اخدهم منها كنت اروح بناتها احكيلهم خدو هادول الفلوس من امكم اعطتني اياها وكنت برجع كلشي بتعطيني اياه بدون علمهم والله ما طولها شدة بهالفترة رجعت انصابت بكمان جلطه على الدماغ وانصابت هالمرة بشلل نصفي ما قدلات تتحرك ولا تقوم ولا تقعد وحطوها بناتها بمشفى خصوصي للعجزة وصارو من وقت للتاني يزورها بعد فترة 3 اشهر من دخولها من مشفى العجزة ولما حكو الاطباء انو ما الها اي علاج هاي وانا كل الامر بايد الله حكيت لبناتها انو ما في داعي انو امكم اضل بالمشفى خلص نزلوها على البيت حكولي ما منقدر نقوم فيها ونحممها ونغيرلها حكتلهم انتو بناتها تنتين عندها وانا كناينها كل وحدة فينا بتيجي يوم نساعدكم فيها حكولي لا ما بدنا وخليها بالمستفى اريحلنا انا وقتها سكتت وحكتلهم انتو حرين وصرت من وقت للتاني اروح ازورها
وكان قلبي بتقطع عليها كيف انو كانت هاي المراة الحاكمه الجبارة اللي ما في شي بمنعها تنفذ اي شي بخطر على بالها سواء سي منيح او شي عاطل صارت ما تقدر تقوم او تقعد وبدها مين يقيمها ويخدمها وحتى بناتها ما قايمين بواجبها بوصارو بنات حماي يحكو عني انو اما كانو يتوقعو انو انا منيحه لهدرجه وبعد فترة 9 سنوات وحماتي موجودة بالمستشفى انتقلت الى رحمة الله تعالى وهون بدت قصه تانيه من معانتي مع بنات حماي لانهم رجعو متل ما كانت امهم تعمل في من قبل ولسه المعاناه موجودة لهلا وربنا يهدي النفوس ويهدينا امين
هاي جزء من حياتي ومن تجربتي مع حماتي اتمنى انو تستفيدو منها وتكون عبرة لذوي الالباب
تعليق