انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 8 من 8

الموضوع: الفرق ببين الولد والبنت ف الميكروباص

  1. #1
    تاريخ التسجيل
    Feb 2011
    الردود
    10
    الجنس
    أنثى

    الفرق ببين الولد والبنت ف الميكروباص

    الفرق بين الولد و البنت فى الميكروباص :

    اول حاجة :

    (وانتا بتوقف الميكروباص وياسلام لو مافيش مكان )
    ...
    لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

    انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



    ثانى حاجة

    (وانتا طالع كتير مننا ممكن يخبط راسه في الباب)

    طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
    تلاقي اللي ممكن يقوم يضرب السواق

    انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

    تالت حاجة :

    (وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك)

    طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

    وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

    ولو قفلت الباب بالجامد بقا

    لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

    انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب


    رابع حاجة :

    (طبعا ممكن يجيلك تليفون وانتا قاعد في الميكروباص )

    لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

    انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل
    ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه

    خامس حاجة :

    (لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل)


    طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

    انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

    سادس حاجة :

    (طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره)

    طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات


    انما بقا البنت يادوب كل اللي هاتعمله انها توشوش على جنب وكأنها بتكلم نفسها
    هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش

  2. #2
    تاريخ التسجيل
    Oct 2010
    الموقع
    في عالممي ’’
    الردود
    1,066
    الجنس
    أنثى
    هههههههههههههه ..

    يا سلاااام عالعنصرية ..

    اهم شئ انها في صالح البنات ..

    يعطيك العافية ..
    --




    ::






    ::





    --

  3. #3
    تاريخ التسجيل
    Nov 2010
    الموقع
    ليبيا الحرة
    الردود
    93
    الجنس
    أنثى
    ههههههههههه على قولة بوووح القلم المهم جت فى صالح البنات

  4. #4
    تاريخ التسجيل
    Feb 2011
    الموقع
    فى حضن امى وابى
    الردود
    878
    الجنس
    أنثى
    هههههههههههههههههههههههههههههههه
    تسلمى

  5. #5
    تاريخ التسجيل
    Aug 2009
    الموقع
    في بلاد الحرمين وقبلة العالم .. لك مني أجمل سلام
    الردود
    1,170
    الجنس
    أنثى
    هههههههههههههههههههههههههههههههههههههههههههههههههه

    شكرا

  6. #6
    تاريخ التسجيل
    Jul 2010
    الردود
    419
    الجنس
    أنثى
    ههههههههههههههههههههههههه
    تسلمين..

  7. #7
    تاريخ التسجيل
    Mar 2007
    الموقع
    فِلسطينية ة َ و أفتخخخخخخر $'
    الردود
    2,562
    الجنس
    أنثى
    التكريم
    • (القاب)
      • وهج العطاء في ملتقى الفتيات
      • لبيبة الفتيات
      • متألقة صيف 1432هـ
      • طاهية مستقبل محترفة
      • مُقتنصة ذكيّة
    (أوسمة)
    هههههههههههههههههههههههه

    شكرا لك و جزاك الله كل خير


  8. #8
    تاريخ التسجيل
    Dec 2008
    الردود
    76
    الجنس
    أنثى
    هههههههههههههههههه

    اخر فكرة هى المتكررة ههههههههههه


    تسلمى

مواضيع مشابهه

  1. الفرق بين الولد والبنت
    بواسطة بنوتة كيوتة في ملتقى الإخــاء والترحيب
    الردود: 4
    اخر موضوع: 12-02-2009, 04:46 AM
  2. الفرق بين الولد والبنت
    بواسطة زهرة البنفسج01 في نافذة إجتماعية
    الردود: 4
    اخر موضوع: 23-03-2008, 04:10 AM
  3. الفرق بين الولد والبنت
    بواسطة دٍمٍعٍةٍ عٍذٍاٍبٍ في ملتقى الإخــاء والترحيب
    الردود: 35
    اخر موضوع: 31-08-2005, 11:12 PM
  4. الفرق بين الولد والبنت
    بواسطة شموسة2 في نافذة إجتماعية
    الردود: 9
    اخر موضوع: 01-03-2004, 11:56 AM
  5. الفرق بين الولد والبنت
    بواسطة شموسة2 في ملتقى الإخــاء والترحيب
    الردود: 2
    اخر موضوع: 23-02-2004, 04:51 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ