وهي الحمدلله ماخدتش بالها بس هي شافت اول صورة بتاعت الكرتونة
فاستغربت وسالتني ايه ده روحت قولتلها ده دواء
مسكت العلبة وقعدت تتفرج عليها عشر دقايق المهم صدقت فسالتني بكم ديه؟؟؟
وانا اصلا بكرهها ونفسي كل الناس تعرف اد ايه هي شخصيتها ضعيفة...<< تعرفو اللي بتزعق كتير
هذه تكون شخصيتها ضعيفة
قلتلها بجنيه ونص
المهم صديقتي اللي ورتني العلبة فرحت وراحت تكمل عليها اللعبة ..<< تعرفو مقالب البنات
وتقولها ديه فيمنها انواع ورخيصة وموجودة ف الصيدليات .... فضلت تلعب عليها لحد مالبنت صدقت واتهبلت وراحت تسال عليها بالصيدلية
وطبعا حصل اللي احنا عاوزينه كل الناس استغربولها وقالولها مفيش حاجة اسمها كده واعدو يضحكو عليها
المهم اخر ما اتجننت قالتلي هاتيه ليا من عندك
ولسة بردو مصدقة
وفي يوم كان علينا حصة فاضية كانت الاستاذة غايبة وكان كله بيرغي وشوية بيلعب والحياة حلوة
فصديقتي قالتلي روحي العبي عليها شوية قوليلها
ان الدكتورة اللي ف الصيدلية عندنا طلبت مني شوية حاجات
سالتني هي البنت شخصيتها ازاي وانا قولتلها انها شخصيتها قوية وبتعرف تتحكم بنفسها وانها ليها راي وكده
وكله عكس شخصيتها تماما طبعا ده محصلش بس
احنا كنا بنعمل مقلب وجه على دماغنا
المهم روحت قولتلها الكلام ده
اجابتها صدمتني
خليتني ابكي
كانت اجابتها كالتالي ::
سارة انا عاوزة اقولك على حاجة بس ماتقوليهاش لحد كل الكلام اللي انتي قولتيه للدكتورة ده غلط انا شخصيتي مش قوية ولا حاجة انا اضعف خلق الله على وجه الارض كل الناس تفتطر شخصيتي قوية بس انا والله ضعييفة
ياسارة انا اصلا بابا بيكرهني عشان انا بنت
بابا مبيحبش البنات
هي البنت الوحيدة واخواتها كلهم ولاد المهم كملت
اخوي الصغير اتعمله سبوع اد الدنيا وانا سبوعي كان رشة ملح وانا اهو عيد ميلادي قرب ولا حد هيعبرني بيعبرو اخوي ويجيبولو هدايا اد الدنيا وانا مفيش حتى حد بيقولي كل سنة وانتي طيبة
اخوها هذا مولود بقاله اسبوعين وبتحبه موت ومصوراه على موبايلها
ياسارة انا بكره حياتي وبكره بابا وماما عشان هما اصلا مش بيحبوني
وحاولت انتحر اكتر من مرة لكن مفيش حاجة بتيجي فيا
المهم قالت كلام كتير كده وبعدين فجاة راحت تقول
اااه اااه
وبتعيط
يتبع......
الروابط المفضلة