شنو تعرفين عن هالزيت ؟؟

مرحبا اخواتي اشحالكم

فديتكم انا عندي سؤال صغيرون اتمنى اني احصل على جوابه منكم .... عاد لا تبخلون علي اذا تعرفون

ما ابي اطول عليكم السالفه وما فيها...

انا عندي ولد عمره سنه و3 شهور ولدي شعره كثييير خفيف نصحوني ان احلق شعره عشان يغلظ بس ماكو فايده وبعدين دلتني اخت زوجي على زيت اسمه (سورسير) يبيعونه في الصيدليه وقالت لي انه وايد اوكي وجربته على بنتها لما كانت في عمر ولدي وياب نتيجه

المشكله انه في وحده سمعتها تقول ان هذا الزيت مب زين لليهال بس للكبار و واااااااايد عجيب ويطلع شعر بس مب حق اليهال

فإذا تعرفون اذا كان صج مب زين حق الصغاريه بلييييييييييز ساعدوني

حياك الله اخيتى...
واول مرة اسمع عن هذا الزيت..
وطالما انه ولد فاستمرى على تحليقه باستمرار وعلى العموم هناك اولاد يولدون بشعور خفيفة الى
سن السادسة احيانا ولكن بعد ذلك يبدأ بالغزارة..وفقك الله

مرحبا اختي

مشكوره على الرد والتجاوب معي

بس فديتك مليت وانا احلق ولدي واسويه اقرع بس ما شي فايده

ودي شعره يكبر ويهفه الهوا ويطير مثل باقي اليهال ههههههههه يالله الحمد لله

يابعد عيني يالخقاقه

والله انا نفس مشكلتك بس للأسف مع بنتي

يعني مع الولد كثير المسأله أهون

والله اني حلقت لها شعرها تصدقين

واللي يقهر انه ما فيش اي نتيجه

المهم الحين مشيت معاها على الكثيرا ... وزيت النخاع

والله حاسه بفرق كبيييييير

مدري هل البنت بدت تكبر والبصيلات تلقائياً عندها تحسنت

ولا من من الكثيرا والنخاع بعد الله سبحانه

المهم الكثيرا لازم مايجي معاها أي بروتين ... يعني لاتتفلسفين وتخلطين معاها بيض مثلا او زبادي .... الخ

أتمنى أكون أفدتك

ماقلتي


أبنك لسا صغير استني يكمل سنتين وبأذن الله راح يتحسن شعره .

مرحبا اوشه

تسلمين على الرد

فديتك الله يعينك بنتك بعد ما عندها شعر والله مصيبه لو ولد اهون هههههههههههه

يا لله ان شاء الله ..الله يخليها وتكبر ويطول شعرها ويوصل لي ريلها

هذا مو زيت انما هو خلاصة الثوم وتلاقين مرسوم عليه ثوم بس بدون ريحه ونتائجه كويسه ويوضع بعد غسل الشعر وتجفيفه ولايكون مظهره زيتي بالعكس ما كأنك حاطه شئ بس ما أنصحك على ولدك وهو صغير ممكن تنعدم البصيلات أو شئ لاسمح الله . إستفسري من الصيدلي عنه يباع في الصيدليات .