بنات ابغى مساعدتكم..ونصيحتكم...ودعائكم,,,,,في يوم ملكة اخوي

السلام عليكم

انا الصراحة ماني جديدة على المنتدى..لاكن انا من المتصفحات..لأني بيني وبينكم ماعندي خبره بالكتابه وانتم ماشاء الله عليكم ماتقصرون ماتخلون احد يحتاج شي ولا موضوع الى وتكتبون عنه....
وانا الصراحة اهنيكم على روح الأسرة الواحدة الي شفتها في هالمنتدى..والله يديمها يارب عليكم...

انا ما ابغى اطول عليكم لأني بصراحة ما انعطى وجه بالهذر
<<<<<<<<واضح انها من محترفات الهذره بالتلفون

بيني وبينكم عندنا مناسبة بعد ثلاث اسابيع وهي يوم ملكة اخوي من خطيبته
وابغى منكم تساعدوني في بعض الحاجات الله يخليكم

<<<< سوت الكبيره بالبيت وتوهقت..وخايفة تتفشل وتطيح على راسها

ا
مساعدتكم في الأختيار

ابغاكم تدلوني على ملاحت الذهب الي تبيع خواتم ( دبلة خطوبة) حلوووه وموديلات جديدة ورايقة وتبيض الوجه قدام خطيبة اخوي..واذا لكم اي نصيحة معينه ياليت ماتبخلون علي فيها
وابغى منكم تعطوني اسماء لعطورات جديده وحلوووه انتم جربتوها..لأني بيني وبينكم انا عندي لاكن احس انها قديمه او ماراح تناسب...

نصيحتكم بالأشياء الي تقدم يوم المكلة

من حكم تجربتكم او الي تشوفونه من حواليكم ابغى نصيحتكم في اشياء تقدم يوم المكلة ....اشياء رمزية عشان تكملة الهدية وتكون هدية تبيض وجه اخوي قدام خطيبته...

دعائكم
لاتحرموننا من دعائكم وعقبال ماتفرحون بأخوانكم وخواتكم...

وآآسفه اذا طولت عليكم
والله يجازيكم كل خير

حياج اختي معانا

أختي ممكن نعرف انتي من وين عشان ندلك على محلات الذهب والشغلات هاذي؟؟

ومبروك مقدماً

حياك الله اخيتى وبياك...
ونحن سعداء بانظمامك الينا الى مركب الخير....

ونريد منك معرفة من وين بالظبط علشان نفيدك....

واما الافكار ستاتى بعد الاجابة على تساؤلاتنا...

الف مليوووون مبروك

يارب يوفقهم
ويوفقني...امين


محل لازوردي عندة اشياء مميزة

بس انصحكم تجيبون دبلة الماس لان عليها القيمة
ولانها دايمة للزمن. والدبلة هي مرة وحدة بالعمر.
واكتبو عليها من جوا حرفة وحرفها او التاريخ او اساميهم اذا كانت صغيرة

حركات افلام

او اذا بتشترون دبلة ذهب كثير يشترون دبلتين فوق بعض.
وخلي اخوك يجيبلة هو دبلة فضة .وهي تلبسة وهو يلبسها. واكشن صورة . والاحلى كميرا فيديو.

يطلع لة ذكرى حلوة.

ذا لو عاداتكم انهم يجلسون مع بعض بالملكة..!!



ذا اللي اعرفة.
.
مسوية فاهمة

انا آآسفه اني ماحددت انا من وين


انا يا اخواتي من الرياض .... واشكركم على تعقيبكم ومروركم على موضوعي
والله يجعل ايامكم دائمآ كلها افراح