منو تعرف وحده تبيع ((حنه)) زينه بالكويت أو عطار زين ز

**BeNt_eLBaDo** · 10-03-2004, 09:42 AM

السلام عليكم ورحمة الله وبركاته
هذي أول مشاركه!!! كان ودي تكون مشاركه تفيدكم بدال ماهي طلب بس أوعدكم بالمشاركات الحلوه بإذن الله

وطلبي باين من العنوان ياليت بنات اللي تعرف وحده تبيع حنــه زينه بالكويت تقوللي أو اللي تعرف عطار يبيع حـنه زينه ومضمونه!! ياليت تقوللي sid لأن شعري رااااح وطي من الصبغات ولما جربت حنه طلعت موووشي .. الظاهر مغشوشه

بس ماأقول إلا حسبي الله ونعم الوكيل بهاللي يغشون ومايخافون الله sid

يالله أخليكم

عاد تكفون لاطنشووني

**مس بيوتي** · 10-03-2004, 03:57 PM

السلام عليكم

والله حبيبتي ما ادري وين لاني ما احط حنه بالاساس

بسترى يمدحون عطارين الديره صوب السوق هناك
اذا ابي اعشاب مو موجوده بالعطارين العاديين اروح هناك
وعندج عطار السالميه وايد زين بعد

وانشالله البنات يفيدونج اكثر

**السلفية** · 10-03-2004, 04:16 PM

وعليكم السلام ورحمة الله وبركاته ..
حياك الله بنت البدو

..
ويا هلا بك معنا مفيدة ومستفيدة

..
بالنسبة لطلبك أمي تتعامل مع عطارة طيبة جداً في الديرة - المباركية - إسم العطارة : العنقود الأخضر ..
ما شاء الله الحنا يمنية عندهم طيبة كثير كثير وحتى السدر عندهم ممتاز وطبيعي .. وأمي ما تتعامل إلا مع هالعطارة ..

**متشوقه للجنه** · 10-03-2004, 05:22 PM

حياك الله يابنت البدو وبنت الكويت

الصراحه انا ماستخدم الحنه عشان الصبغات فما عندي خبره فيها

بس بالنسبه للعطار ففي عطار في الجهراء سمعته واصله للديره والمناطق العاشره

كل شي تلقين عنده حتى خلطات التبييض والتنعيم وتطويل الشعر ناس تتعنى عشان خلطاته

لا ويبيع المكياج والعطورات الفرنسيه بسعر رخيص

انا جربت من عنده كذا شغله وكانت النتايج مذهله لدرجه اني خفت يكون فيها شي مثل كورتيزون

واسمه الحواج مبارك بعمارة القيصريه القديمه

وتحياتي

**نوقا** · 10-03-2004, 10:35 PM

هلا عزيزتي بصراحه انا اشتري حنه زينه وخلطات واايد حلوه من حواج جمعيه النزهه معروف شغله واايد حلو

**BeNt_eLBaDo** · 11-03-2004, 07:46 AM

من قال يحيا

حبيباتي شكرررررررررررررررا من قلبي ماقصرتوا ..... وإنشاءالله حصلت اللي أبيه

بإذن الله قريب أفيدكم

**شيرازيه** · 11-03-2004, 02:36 PM

السلام عليكم ورحمة الله وبركاته

اختي انا متعامله ويا وحده معالجه عالجت شعري وهي عندها حنه يمينه وسدر يمني بس بصراحه وايد روعه هي الي تييبها بنفسها فرش وطازجه

انا وامي واخواتي كله نتعامل وياها ... وهي بعد تقولج الطريقه السليمه الي تناسب شعرج في وضع الحنه

اذا بغيتي رقمها بلغيني

والسلام عليكم ورحمة الله وبركاته