حبايبي قولولي شنو الموضة عندنا بالكويت يالله كلها مشاركة لا تبخلين

**البنوتة الحلوة** · 23-11-2002, 09:44 PM

حبوبات شنو الموضة اللي عندنا بالكويت وشنو الاسواق الحلوة

يالله عاد شاركوا باااااااااااي

**om-maryoom** · 23-11-2002, 09:58 PM

الصراحة انا درت المحلات لين طاحت ريلي
رحت شرق بس الصراحة بضاعته ما تناسب البنات الملتزمات (اقصد المتحجبات ) لانه كله قصير ومشخلع وقلة ماتشوفين بدلات مرتبة وواسعة المهم
رحت بعده الجنوبي والشمالي (النقرة )
لقيت ان الموضه اهي البني والبيج ومليان من الملابس اللي تناسب الكل وكله من نوع الخبابة والواسع وعليه قطع خامات وايد ومرقع بس حلو ومتروس محلات مسوية بضاعتها كل قطعه ب 5 دنانير يعني تطلعين ببدلة كاملة ب 15 دينار
وطبعا موجود الغالي والحلو
يعني انصحك بالجنوبي والشمالي ( لا تستهينين فيهم ترى اذا لبستيهم محد راح يدري انك شاريتهم من النقرة او من شرق) طيعي اوخيتج

**البنوتة الحلوة** · 23-11-2002, 10:25 PM

مشكورة عمري راح اروح
بس يقولون ان كويت ماجيك حلو بعد شرايكم
وابي بعد اقتراحات

**om-maryoom** · 23-11-2002, 10:54 PM

اي صح ذكرتيني
كويت مجك روعة
وفيه تقريبا نفس محلات النقرة
يعني اللي اقرب لج روحيله

**بدوووره** · 24-11-2002, 12:06 AM

والله انصحج ترووووحين مرينا موووووووووول

**غفرانك** · 24-11-2002, 02:12 AM

انا فريت السوق وما خليت محل ما رحت له
ومثل ما قالت ام مريوم ان اللون الدارج هو البني والبيج وخامة الجنز الي بخيوط والي مرقع يعني ما يمشي مع المحجبات
والله متوهقة ومادري شنو البس
رحت zara ولقيت فيها بلوزة طويلة لين الركبة او اطول سوي ومطرزة في منها البيج والاسود تهبل تهبل اهي شكلها جنها نفنوف بس اهي بالاصل بلوز وعليها تطريز بالخصر والجمام بس ما تصلح الا حق الضعاف لان هدا هو قياس المتوفر
انا من رحت قالولي الموظفات ان اللون البيج خالص وراح يوصل يوم السبت يعني اليوم بس انا مارحت وانشاء الله ماروح باجر وما احصلكم خامينهم واقعد اندب حظي انا بروح بعد التراويح واحصلكم عند البلايز ههههههههه