تعالو أخبركم عن تجربتي ويا شعري أمس......

**عشق الصحاري** · 01-07-2006, 03:05 AM

السلام عليكم

اشحالكم خواتي ..

بخبركم بسالفتي كلها..... وإن شاء الله ماتملون....

بسم الله الرحمن الرحيم... أنا أمس كنت يالسه وملانه من شعري اللي مستوي خشن ومتقصف فقمت وفتحت الثلاجة وقلت في نفسي خليني اجرب شي في هذا الشعر العنيد يا أنا يا هو

قلت لا و الف لا طبعا انا ...

المهم قمت وطلعت علبة زبادي + عسل بس تراه طبيعي + بيضة + شي يمكن ماتتوقعونه.

كنت شاريه قشطة طبيعية بس ما انتبهت لها وانتهت فخليتها في الثلاجة على أساس أعقها اليوم الثاني ويوم سويت الخلطة قلت ليش ما اخبص الدنيا في بعض واسوي فرقعة في شعري..

قمت وحطيت القشطة المنتهية وياهم تراها منتهية (مب معفنة) المهم حطيت الخلطة على شعري مدة ساعتين ونص وعقبها قمت وغسلت شعري بالشامبو ويا سلام ياهيك يابلا....... وبتفهم....... حشا هاي استوت دعاية المعجون

وبصراحة عقب ماغسلت شعري عجبتني لمعته ونعومته وهو عالخدود اهفهف..

وسلامتكم فحبيت انكم اجربون هاي الخلطة وتفيد وياكم إن شاء الله بس أمانة اللي بتشوف النتيجة المرضية ما تنساني بالدعاء