كب كيك خفيف و ظريف ببيضة واحدة بسسس**ام يحيى و مازن

[ام يحيى و مازن]

السلام عليكم و رحمة الله
وحشتونى يا ال منتدى لك الغالى على قلبى
حبيت اطل عليكم بموضوع بسيط و خفيف

هنعمل النهاردة تطبيق للكب كيك للشيف (مدرسة الطبخ ) محمد فوزى ربنا يرزقه الصحة و البركة فى العمر اللهم امين
ساعات كتير مش بيكون متوفر عندنا مكونات من حلو احنا عايزين نعمله
و المثل المصرى بيقول الشاطرة تغزل برجل حمار ههههههههههه
يعنى الجدعة تتصرف و تعمل و تشتغل بلى متاح عندها
و لو مش عندك الا بيضة واحدة بس تخيلى
هتعملى منها 12 قطعة كيك كيك ماشاء الله هش جدا جدا


.. و عملت نوعين نوع بالكاكاو و النوع الاخر باليوسفى ...
يالا نبدأ بسم الله
المقادير
*******
1 1/2 واحد و نصف الكوب دقيق ( انا شلت معلقة كبيرة مليانة دقيق و استبدلتها بالكاكاو الخام)
3/4 ثلاثة ارباع الكوب سكر عادى
1/2 نصف كوب حليب ( استخدمت ماء)
1/2 نصف الكوب زيت او سمن ( استخدمت زيت)
معلقة صغيرة بكينج بودر
رشة فانيليا
بيضة واحدة
(( اما بالنسبة لكب الكيك اليوسفي استعملت عصير اليوسفى و بشره بدل الماء و الفانيليا ))

الطريقة
*****​

• هضرب الزيت مع السكر فى الخلاط او المضرب و بعدين هضيف البيضةمع الفانيلياو اضريب تانى و هضيف اللبن او الميه و اضرب و فى الاخر هضيف الدقيق مع البكينج بودر​
• و بعدين هصب الخليط فى قوالب الكب كيك و احطه فى فرن اعلى من المتوسط بقليل على درجة 200 و هياخد من 12 الى 15 دقيقة​
• ​
• ​
• و طبعا الفرن يكون شغال من بداية عملنا فى الكيك​
• و اتفضلوا احلى و اوفر كب كيك​
• ​

فى رعاية الله و حفظه احبتى فى الله ​

 

[um almajd]

ماشاءالله حبيبتي تسلم الايادي شكلها بشهي

 

[الشفاعة]

فعلا يا ام يحيى طالع مميز معك
وشهيتيني عليه .. وسهل جدا
صحة وهنا على قلبكم
لاتحرمينا من اطباقك وتواجدك معنا

 

[وعود الخير]

يا عالم أنا عاملة داااااااااااايت
بس شكلي راح أأجل شوية
كب كيك وبيضةواحدة
لازم التطبيق

تسلم يمناك يا عسل
وصحة وعافية​

 

[حكايات القمر]

ماشاء الله وصفة اقتصادية وشكلها روعة تسلم ايدك

أرسلت بواسطة SM-G955F باستخدام تطبيق جوال منتديات لكِ

 

[♥أخت فى الله♥]

وااااو
احلى كب كيك من احلى ايدين
تسلم الايادى حبيبتى
و الف هنا

أرسلت بواسطة SM-N910C باستخدام تطبيق جوال منتديات لكِ

 

[خالتو \فردوس]

شكلهم كثير حلوووووووووووووووين يسلموا
عوافي على قلوبكم

 

[أمل وضياء]

جميل جداً وخفيف .
​

 

[خَفاياالرُوح]

ولا اسهل ولا اجمل ولا اخف من هالكيك
لازم نجربه بيوم
تسلمي ام يحي
​

 

[فاطـمة العامري]