حبي نفسك كتابة الوصية  همسات للبنات ~قلمي~ 
في كلٍ منا لأحبتنا ديوان..فهلُمُّوا إليه 

حبي نفسك كتابة الوصية  همسات للبنات ~قلمي~ 
في كلٍ منا لأحبتنا ديوان..فهلُمُّوا إليه 

تغذية الاطفال الرضع

الموضوع في 'عالم المرأة والطفل' بواسطة shi66939, بتاريخ ‏20 ديسمبر 2017.

  1. shi66939

    shi66939 قادم جديد

    المشاركات:
    5
    الإعجابات المتلقاة:
    1
    تغذيه الأطفال الرضع اول 6 شهور
    – الرضاعة الطبيعية فقط في أول 6 شهور ده النظام المثالي للطفل لان ده هيحميه من امراض كثيرة اثناء فترة الرضاعة زي النزلات المعوية والربو الشعبي وضعف المناعة


    – الطفل بيزيد بالمعدل الطبيعي (3/4 كيلو كل شهر اول 4 شهور و 1/2 كيلو كل شهر تانى 4 شهور و 1/4 كيلو كل شهر ثالث 4 شهور) عشان كده مهم جدا المتابعه مع طبيب الأطفال عشان تطمن علي نمو الطفل

    * مهم جدا عند بداية تغذية الاطفال الرضع :
    – البدء بجرعات صغيرة ومخففة ثم تزداد تدريجيا حسب شهية الطفل

    – عدم ادخال اكثر من صنف جديد كل 3 ايام

    – عدم ادخال اى صنف جديد اذا كان الطفل مريضا

    – ادخال الوجبات الجديدة يجب ان يكون في الصباح لمتابعة حدوث اسهال او مغص او ترجيع

    – يجب اتباع قواعد النظافة وغسل الايدي جيدا قبل تحضير الوجبة واعطاؤها للطفل

    – لتخفيف الوجبة يجب استخدام ماء مغلي وممكن استخدام لبن الام او اللبن الصناعي بدلا من الماء عند تحضير الوجبة

    – استخدام الملعقة والكوب لاعطاء الوجبة بدلا من الببرونة ولكن لازم يقدر طفلك الجلوس وكذلك يصلب رأسه كويس

    – يجب عدم اضافة الملح والسكر

    – يجب عدم اعطاء العسل في السنة الاولي لان به سميات لا يتحملها الطفل في السنة الاولي

    – يجب ان يكون الاكل متوازن بين النشويات زي (الارز والبطاطس والسيريلاك) وبين البروتينات اللي هتبني الجسم زي (الزبادى واللحوم والدجاج والاسماك)

    – يجب اعطاء وجبات نصف مهروسة بالشوكة بشكل تدريجي من الشهر التاسع عشان يتعود الطفل علي البلع

    – تحذير من اجبار طفلك علي الطعام لان ده هيخليه يكره الاكل ويفقد شهيته

    تغذية الاطفال الرضع[​IMG]

    – شرب الماء مش ضرورى في اول 6 شهور طالما طفلك بيرضع لان اللبن يحتوى علي 88% ماء يعني بيروي قبل ما يغذي وكمان نسبة الماء في اللبن بتزيد في الصيف عن الشتا عشان محدش يتحجج ويقولك بل ريقه في الصيف عشان عطشان اما الرضاعة الصناعي فبتتحضر بالماء برضه يعنى من الاخر مفيش حجة

    – في فترة التسنين يفضل عدم ارضاع طفلك صناعيا اثناء النوم بالليل لان اللبن هيترسب علي الاسنان ويسبب التسوس المبكر وان كان ضروريا فلازم غسيل الاسنان بفرشاة ومعجون خاص للاطفال قبل النوم

    – يجب تجنب العصائر المحفوظة وبياض البيض في السنة الاولي لانها ممكن تعمل حساسية واضطرابات هضمية

    – احذر عند ادخال البقوليات زي الفول والترمس والعدس بالذات اللى عندهم تاريخ مرضى في العائلة بأنيميا الفول ولاحظ تغير البول للاحمر او زى الشاى كده

    – متعودش الطفل بعد السنة الاولي علي الشيبسي والمصاصات وما شابه ذلك لانها ليها اضرار كبيرة علي الصحة وضعف المناعة وفقدان الشهية

    – زيادة وزن الطفل عن المعدل الطبيعي غلط زي نقص وزنه لأنه بيكون حمل علي المفاصل عند بداية المشى وكمان جهازه الهضمي

    طب ايه نظام التغذيه اللي ممكن نمشي عليه؟

    * من الشهر الاول حتى السادس
    – رضاعة لبن الأم فقط من (8-10) رضعات يوميا ما بين كل رضعة ورضعة(2-3) ساعات وكل رضعة المفروض ان يأخد الطفل ثدى واحد فقط وبعدين الثدي التاني في الرضعة اللي بعدها لان غير كده هيسبب تغير لون البراز للون الاخضر ومش برد زى ما الناس ما بتقول

    – لازم تكريع الطفل بعد كل رضعة بالضرب الخفيف علي ضهره

    – لو لازم تستخدم اللبن الصناعي بتستخدم رقم 1 من الولاده لحد 6 شهور ورقم 2 من 6 شهور لسنة ورقم 3 بعد السنة

    – ممكن ادخال اكل تدريجي في الرضع بعد الشهر الرابع في الحالات الاتيه :

    1- الام لبنها قليل جدا ووزن الطفل ضعيف ومش بيزيد كويس
    2- الام سترجع العمل ومش هتعرف ترضعه
    3 – الطفل بيرضع صناعي

    – ويتم ادخال الاكل بعد الشهر الرابع زي ادخال الاكل للاطفال اللي يرضعوا طبيعي من الشهر السادس زي ما هشرح دلوقتي

    * الشهر السادس أو بعد الرابع في الحالات الاستثنائيه :

    – نبدأ بادخال 2-3 ملاعق من الوجبات ثم تزداد يوميا تدريجيا لتصبح وجبة كاملة
    -يمكن ادخال وجبة حبوب زي السيريلاك او ارز مهروس مع ماء فاتر او لبن صناعي او لبن الام

    – اكل مسلوق و مهروس زي التفاح والكوسة او بسكوت اطفال بلبن الام او لبن صناعي او شوربة خضار ( بطاطس+كوسة+جزر)
    ونصف صفار بيضة مرتين اسبوعيا

    * الشهر السابع تغذية الطفل الرضيع :
    – زيادة كمية الاكل السابق مع اضافة الاتي:
    موز او كمثرى مهروسة أو فص فراخ مضروب في الخلاط أوكبده ارانب

    * الشهر الثامن تغذية الطفل الرضيع
    :

    – قطعة لحمة حمراء مضروبة في الخلاط أو فص سمك مهروس كويس أو شوربة لسان عصفور او شعرية أو زبادى خالي او منزوع الدسم مع ملاحظة اى اعراض حساسية زي ترجيع او طفح جلدى او ترجيع

    * الشهر التاسع تغذية الطفل الرضيع:
    – عدم استخدام الخلاط مطلقا مع الوجبات السابقة بدايه من الشهر ده ولكن بتديها مهروسة فقط

    * الشهر العاشر والحادى عشر والثانى عشر :
    – الطفل بيقدر يمضغ الاكل ويعرف يأكل نفسه باستعمال الملعقة او حتى بصوابعه وهو قاعد علي كرسي عالي حول مائدة الطعام

    – بعد العام الاول يجلس الطفل علي المائدة وياكل زي اى فرد في العائلة مع ملاحظة اى حساسية من اى اكل او فاكهة او مكسرات

    * تجنبوا الاتي قبل سن 3 سنوات فى تغذية الطفل الرضيع :
    – الاطعمة التى تؤدى الي اختناق الطفل زي الفشار وحبات العنب (قطعي العنب الى اربع قطع) والجزر غير المطهي والبمبوني والمكسرات
    أهم شئ

    – اللبن البقرى ممنوع خالص قبل سنة لانه ممكن يعمل حساسية والتهابات في المعده والامعاء ولانه كمان مش مفيد أوى لأن نسبة الحديد وفيتامين ج اللي فيه قليلة جدا وكمان ممكن يؤدى الى السكر فى الاطفال اللى عندهم قابلية للمرض ده

    – أما منتجات الالبان زى الزبادى والجبن ممكن ندخلها من الشهر السادس مع اتباع التعليمات اللى قولتها فوق [​IMG]
     
    آخر تعديل بواسطة المشرف: ‏21 ديسمبر 2017
  2. اسعارنا غير

    اسعارنا غير قادم جديد

    المشاركات:
    1
    الإعجابات المتلقاة:
    1
    شكرا على المعلومات الجميلة
     
    أعجب بهذه المشاركة shi66939
  3. shi66939

    shi66939 قادم جديد

    المشاركات:
    5
    الإعجابات المتلقاة:
    1
    شكرا لمرورك
     

مشاركة هذه الصفحة